Në Bibliotekën e Korpusit Qendror të Universitetit të Elbasanit “Aleksandër Xhuvani”, u zhvillua një takim prezantues nga Z. Enrik Keco, përfaqësues i AADF, mbi aplikimet në programet READ. Trajnimi u fokusua në njohjen me të pranishmit me programin READ, rëndësinë e bashkëpunimit, duke u bërë pjesë kështu të një trajnimi  praktik. Pjesëmarrësit patën mundësi të marrin përgjigje për pyetjet specifike lidhur me projektet.

Inkurajojmë stafin e Universitetit të Elbasanit “Aleksandër Xhuvani” të aplikojnë në këto programe praktike dhe të fokusuara për zhvillimin e profesionit.

Takimi prezantues për programet READ nga AADF në Universitetin e Elbasanit “Aleksandër Xhuvani

Në kuadër të "Tetorit të librit," Universiteti i Elbasanit "Aleksandër Xhuvani," në bashkëpunim me Departamentin e Letërsisë dhe Gazetarisë dhe Departamentin e Gjuhësisë, organizoi një takim me gazetarin, shkrimtarin, publicistin dhe regjisorin shqiptar, Z. Fatmir Terziu.

Gjatë bashkëbisedimit me studentët, Z. Terziu ndau përvojën e tij si shkrimtar dhe publicist, por edhe përvojën jetësore . Ai u ndal në domosdoshmërinë e ruajtjes dhe promovimit të gjuhës shqipe 🇦🇱 përmes krijimit të një letërsie cilësore dhe publicistike të mirë. Në përfundim të takimit, Z. Terziu dhuroi botimet e veta për bibliotekën e universitetit, duke pasuruar kështu fondin e literaturës 📖📚 në dispozicion të studentëve dhe personelit akademik. 👩‍🎓👨‍🎓

Më shumë

Departamenti i Letërsisë dhe Gazetarisë, në bashkëpunim me Departamentin e Gjuhësisë në Universitetin e Elbasanit “Aleksandër Xhuvani,” organizuan takimin e radhës në kuadër të “Tetorit të librit”, me të ftuar autorët Agim Baçi dhe Ersid Karaj.

Takimi bëri bashkë pedagogë dhe studentë që patën mundësinë të ndanin momente frymëzuese dhe diskutime të thella mbi artin e të shkruarit, eksperiencat personale, dhe sfidat e punës si autorë. Në fjalën e tyre, autorët ndanë përvoja dhe mendime mbi procesin krijues, vështirësitë dhe kënaqësitë që sjell të qenit shkrimtar në realitetin shqiptar.

Zhvillohet takimi i radhës në Universitetin e Elbasanit “Aleksandër Xhuvani, në kuadër të “Tetorit të librit”

Prof.dr. Skender Topi, zhvilloi një takim të frytshëm me Rektorin e Akademisë Kombëtare të Sporteve "Vassil Levski", Bullgari, Prof. Krasimir Petkov, ku u diskutua mbi projektet e ndërmarra midis dy institucioneve në fushat me interes të përbashkët.

Prof. Petkov prezantoi prioritetet e Akademisë Kombëtare të Sporteve në kushtet aktuale ekonomike në Evropë dhe në Ballkan, ndërsa Prof. Topi theksoi se ndërkombëtarizimi është ndër synimet kryesore strategjike të Universitetit të Elbasanit “Aleksandër Xhuvani”, jo vetëm në aspektin e pranimit të afërt në BE 🇪🇺, por edhe në funksion të dëshirës për ta ngritur institucionin në rangun e universiteteve të njohura evropiane.

Më shumë

"Nga Ndërgjegjësimi në Veprim: Bashkohuni në Luftën Kundër Trafikimit", ishte moto e takimit të organizuar në Universitetin e Elbasanit “Aleksandër Xhuvani,” në bashkëpunim me Shoqatën “Tjetër Vizion”, në kuadër të muajit tetor, i cili njihet si muaji kundër trafikimit të qenieve njerëzore.

Aktiviteti kishte për qëllim sensibilizimin dhe forcimin e rolit të përbashkët të komunitetit akademik dhe institucioneve lokale në luftën kundër trafikimit të qenieve njerëzore.

Më shumë

Departamenti i Letërsisë dhe Gazetarisë, në bashkëpunim me Departamentin e Gjuhësisë në Universitetin e Elbasanit "Aleksandër Xhuvani", organizojnë një cikël takimesh kushtuar librit.

Në këtë seri takimesh, patëm kënaqësinë të mirëpresim znj. Loreta Schillock, e cila ndau me studentët përvojën e saj si përkthyese në gjuhën gjermane të një cikli poezish nga Dritëro Agolli, si dhe përkthimin e një numri të madh veprash nga shkrimtarë të tjerë.

Ju ftojmë të na bashkoheni në takimet në vijim me të ftuarit e radhës, për të diskutuar mbi librin, rëndësinë dhe ndikimin e tij. Një mundësi për të ndarë mendime dhe për të thelluar pasionin për letërsinë.

Takim i veçantë në kuadër të Tetorit të Librit!