Gjatë kësaj jave, pjesëmarrësit u angazhuan në aktivitete akademike dhe praktike, duke shkëmbyer përvoja me studentë dhe pedagogë nga universitetet partnere të projektit. Praktika ndërkombëtare synon të forcojë kompetencat profesionale të studentëve dhe të nxisë bashkëpunimin ndëruniversitar në fushat e sportit, shëndetit dhe edukimit.

Më shumë

Në Universiteti "Ukshin Hoti" Prizren u zhvillua takimi i 5-të i projektit LAIA (Laboratory on Artificial Intelligence in Albania and Kosovo), i cili mblodhi së bashku përfaqësues të universiteteve partnere për të diskutuar ecurinë e projektit dhe hapat e ardhshëm për zbatimin e aktiviteteve të planifikuara.

Në këtë takim morën pjesë koordinatorët e projektit nga University of Piraeus, si dhe partnerët nga University of Southern Denmark, Universiteti i Elbasanit, Universiteti Mesdhetar i Shqipërisë, Universiteti Politeknik i Tiranës dhe Universiteti Bujqësor i Tiranës.

Përfaqësuesit e Universitetit të Elbasanit “Aleksandër Xhuvani” morën pjesë aktivisht në diskutimet e zhvilluara gjatë takimit, duke kontribuar në vlerësimin e progresit të projektit, shkëmbimin e përvojave ndërmjet partnerëve dhe planifikimin e aktiviteteve të ardhshme.

Më shumë

Takimi mblodhi mbi 170 pjesëmarrës nga universitete dhe institucione kërkimore të Danimarkës, Suedisë, Gjermanisë, Palestinës dhe Shqipërisë. Aktiviteti u bashkëfinancua nga programi Erasmus+ dhe Akademia Daneze e Shkencës së të Dhënave (DDSA).

Universiteti i Elbasanit ishte pjesë e këtij aktiviteti përmes kontributit të profesorëve Xhensila Abazi dhe Erion Selimi, të cilët prezantuan punime kërkimore në fushën e përdorimit të Inteligjencës Artificiale Gjenerative në arsimin e lartë, me fokus në vlerësimin dhe praktikat e feedback-ut akademik.

Më shumë

Gjashtë studentë të programit të studimit Informatikë-Ekonomike të Fakultetit të Biznesit dhe i Drejtësisë në Universitetin e Elbasanit, të shoqëruar nga pedagogu Dr. Erind Bedalli, morën pjesë në aktivitetin ndërkombëtar Digi Camp & Digital Skills Festival 2026, i zhvilluar në Innovation and Training Park (ITP) Prizren. Gjatë tri ditëve të festivalit, studentët u përfshinë në një sërë aktivitetesh inovative, duke përfshirë JunctionX Regional Hackathon, Next Quest Game Jam, punëtori interaktive, sesione trajnimi, aktivitete rrjetëzimi dhe prezantime projektesh.

Pjesëmarrësit patën mundësinë të zhvillojnë aftësitë e tyre në fushën e teknologjisë, inovacionit, sipërmarrjes dhe transformimit dixhital, si dhe të bashkëpunojnë me studentë, mentorë, ekspertë dhe përfaqësues institucionesh nga Kosova dhe rajoni. Nën moton “Learn. Build. Grow.”, festivali krijoi një mjedis frymëzues për shkëmbimin e ideve, zhvillimin e projekteve inovative dhe krijimin e lidhjeve të reja profesionale, duke kontribuar në përgatitjen e të rinjve për sfidat e ekonomisë dhe shoqërisë dixhitale.

Më shumë

Në Fakultetin e Shkencave të Edukimit u zhvillua provimi i diplomës për studentët e programit Bachelor në “Mësuesi për Arsimin Fillor”. Studentët e diplomuar kanë ndjekur kurrikulën e re, të zhvilluar në kuadër të projektit EduGAME, të financuar nga Programi Erasmus+. 

Projekti synon rritjen e kapaciteteve institucionale të Universitetit të Elbasanit, në bashkëpunim me Universitetin “Vytautas Magnus” (Kaunas, Lituani), si edhe forcimin e kompetencave digjitale dhe zhvillimin e aftësive të studentëve në hartimin dhe zbatimin e projekteve inovative në mësimdhënie.

Provimi i diplomës shënoi përmbylljen me sukses të këtij cikli studimesh, duke pasqyruar rezultatet e zbatimit të elementeve të reja kurrikulare të integruara përmes projektit, si dhe përgatitjen e studentëve për t’iu përgjigjur kërkesave të arsimit bashkëkohor.

Në Fakultetin e Shkencave të Edukimit u zhvillua një vizitë zyrtare e përfaqësuesve nga Universiteti i Vytautas Magnus, Lituani, koordinator të Projektit EduGAME, Doc. Dr. Judita Kasperiuniene dhe Dr. Dovile Kuiziniene, me qëllim vlerësimin e ecurisë së projektit dhe forcimin e bashkëpunimit ndërmjet partnerëve.

Gjatë aktivitetit u organizua një trajnim për punonjësit në fushën e arsimit me temë “Serious Games in Higher Education – nga lojërat edukative te inteligjenca artificiale.” Pjesëmarrësit morën pjesë në sesione teorike dhe praktike, duke zhvilluar ushtrime mbi gamifikimin e kurseve dhe përfshirjen e studentëve në procesin mësimor.

Përfaqësuesit e Universitetit të Lituanisë vizituan gjithashtu Laboratorin EduGAME, ku u njohën me pajisjet, materialet mësimore dhe demonstruan mënyra të reja përdorimi në mësimdhënie.

https://edugame-project.eu/

Vizitë zyrtare e Koordinatorëve të Projektit EduGame në Universitetin e Elbasanit