Ambasadorja e Hungarisë në Shqipëri, Znj. Martina Kasnyik në Universitetin e Elbasanit

Rektorja e Universitetit të Elbasanit “Aleksandër Xhuvani”, Prof. Dr. Elvira Fetahu, priti në një takim ambasadoren e Hungarisë në Shqipëri, znj. Martina Kasnyik.

Në fokus të bisedës ishte ndërkombëtarizimi i UE-së, duke përfshirë zgjerimin e bashkëpunimeve me universitetet hungareze në kuadër të programeve të mobilitetit, si dhe zhvillimin e projekteve të përbashkëta shkencore dhe akademike.

Në kuadër të vizitës së saj, znj. Kasnyik zhvilloi gjithashtu një takim me studentët, ku prezantoi programin e mirënjohur të bursave në Hungari “Stipendium Hungaricum”, si dhe procedurat që duhen ndjekur për të aplikuar.

Ky bashkëpunim synon të hapë mundësi të reja për studentët dhe personelin akademik të UE-së, duke përforcuar lidhjet akademike mes dy vendeve.

Ambasadorja e Hungarisë në Shqipëri, Znj. Martina Kasnyik në Universitetin e Elbasanit