Zyra e Këshillimit të Karrierës dhe Alumnit, në bashkëpunim me Protik Innovation Hub, organizoi një sesion informues mbi projektin “Harvard Simulations Days.” Ky projekt, i zhvilluar në partneritet me Ambasadën Amerikane dhe Harvard Business Publishing, përfshin një seri simulimesh që mbulojnë tematika si siguria kibernetike, sipërmarrja dhe startup-et.

Në workshop-in e mbajtur në Zyrën e Këshillimit të Karrierës dhe Alumni, morën pjesë 19 studentë nga programet e Teknologjisë së Informacionit, Matematikë-Fizikë, Punë Sociale dhe Infermieri e Përgjithshme. Studentët shfaqën interes për aktivitetin, i cili do të kulmojë në Tiranë me një simulim të madh, ku studentë të përzgjedhur nga universitetet e Shqipërisë do të sfidojnë njëri-tjetrin në një mjedis konkurrues dhe bashkëpunues.

Më shumë

Në kuadër të "Ditëve të informimit", Sektori i Këshillimit të Karrierës dhe Alumni me mbështetjen edhe të Zyrës Vendore Arsimore Elbasan, zhvilloi në ambjentet e Universitetit të Elbasanit "Aleksandër Xhuvani", një cikël takimesh me shkollat e mesme publike dhe jopublike të Bashkisë Elbasan.

Në këtë veprimtari të shtrirë në datat 2, 6, 9, 16, 23, 28 përfaqësues të personelit akademik dhe  ndihmësakademik, përmes bisedave prezantuese dhe materialeve orientuese i njohën maturantët me programet e studimit, infrastrukturën dhe mundësitë e shumta që vihen në dispozicion për rrugëtimin e tyre akademik në Universitetin e Elbasanit "Aleksandër Xhuvani".

Më shumë

Zyra e Këshillimit të Karrierës dhe Alumnit në Universitetin e Elbasanit, në bashkëpunim me Shkollën e Mesme Profesionale” Elbasan, organizoi një takim informues me një grup nxënësish nga shkolla profesionale “Faik Konica” Ferizaj, Kosovë.

Takimi u bë i mundur në sajë të binjakëzimit mes dy shkollave profesionale dhe fillimisht nxënësit u pritën në Korpusin kryesor të universitetit, ku u informuan mbi paketën akademike, infrastrukturën, mbështetjen e stafit akademik dhe ndihmësakademik, si edhe mundësitë e shumta, për zgjedhjen e rrugëtimit të tyre akademik në Universitetin e Elbasanit "Aleksandër Xhuvani".

Më shumë

Personeli akademik, ndihmësakademik dhe administrativ i Universitetit të Elbasanit "Aleksandër Xhuvani", mirëpriti në Panairin Work & Study 2023, zhvilluar në Pallatin e Sportit, maturantë të shumtë të cilët u informuan mbi programet e studimit që ofrohen, mundësitë e financimit për regjistrimin dhe vazhdimin e studimeve, praktikat profesionale, programet e shkëmbimit studentor dhe hapësirat e dedikuara për zhvillimin e tyre shkencor, profesional e kulturor.

Më shumë

U zhvillua për të tretin vit radhazi, ceremonia e shpërndarjes së certifikatave të Praktikave Profesionale të zhvilluara në Universitetin e Elbasanit.

Në fjalën e saj, zëvendësrektorja Prof. Elvira Fetahu, theksoi rëndësinë e praktikës profesionale në përparimin e një studenti në karrierën e tij të ardhshme dhe inkurajoi të pranishmit të vazhdojnë angazhimin e tyre në fushat e dëshiruara.

Më shumë

Universiteti i Elbasanit, mirëpriti nxënës nga gjimnazi "Dhaskal Todri", për të zhvilluar një orë mësimi të hapur në kuadër të lëndës së Këshillimit të Karrierës. Në takim morën pjesë përfaqësues nga zyra e Këshillimit të Karrierës dhe Alumni, ku ndër të tjera nxënësit u njohën më nga afër me ambientet e universitetit.

Universiteti i Elbasanit “Aleksandër Xhuvani”, mirëpret nxënës nga gjimnazi “Dhaskal Todri”