Fakulteti i Shkencave Mjekësore Teknike i Universitetit të Elbasanit “Aleksandër Xhuvani”, në bashkëpunim me Università degli Studi di Bari Aldo Moro, Università degli Studi dell'Aquila, dhe në drejtimin e veçantë të Prof. Dr. Skender Topi, Prof. Maria Grazia Cifone dhe Prof. Luigi Santacroce, zhvilloi Kongresin e Katërt Ndërkombëtar me tematikë "The Recent Trends in Biomedical Research – Current State of Scientific Research in the Adriatic Region".

Më shumë

Rektorja e Universitetit të Elbasanit “Aleksandër Xhuvani”, Prof. Dr. Elvira Fetahu, mori pjesë në Ceremoninë Solemne të 55-vjetorit të themelimit të Universitetit të Prishtinës, një ngjarje e rëndësishme që mblodhi personalitete të shquara të botës akademike, shkencore dhe politike.

Universiteti i Elbasanit është pjesë aktive e rrjetit të institucioneve që kontribuojnë në zhvillimin e arsimit të lartë dhe kërkimit shkencor në hapësirën shqiptare dhe më gjerë.

Rektorja e Universitetit të Elbasanit “Aleksandër Xhuvani”, Prof. Dr. Elvira Fetahu, mori pjesë në Ceremoninë Solemne të 55-vjetorit të themelimit të Universitetit të Prishtinës

Departamenti i Letërsisë dhe Gazetarisë në Fakultetin e Shkencave Humane të Universitetit të Elbasanit, me synimin për të nxitur të rinjtë drejt krijimtarisë artistike dhe ruajtjes së gjuhës amtare, organizoi konkursin letrar “Magjia e Fjalës”, me pjesëmarrjen e nxënësve të shkollave të mesme të Bashkisë Elbasan.

I ftuar për të folur rreth përkthimit në shqip të veprave të antikitetit grek ishte përkthyesi Sokol Çunga, i cili ndau me të pranishmit risitë që sjellin përkthimet e tij.

Krijimtaria e nxënësve u vlerësua nga një juri e përbërë nga pedagogë dhe studiues të letërsisë, të cilët çmuan origjinalitetin, stilin dhe thellësinë artistike të veprave të paraqitura.

Më shumë

Ky bashkëpunim do të mbështesë zbatimin e platformës së trajnimit VIC dhe do të kontribuojë në iniciativa si:

Kërkimi në fushat me interes të përbashkët

Bashkëorganizimi i projekteve dhe aktiviteteve

Forcimi i bashkëpunimit ndërinstitucional

Më shumë

Në kuadër të Ceremonisë Solemne për 55-vjetorin e themelimit të Universitetit të Prishtinës, Rektorja e Universitetit të Elbasanit, Prof. Elvira Fetahu dhe Rektori i Universitetit të Prishtinës, Prof. Arben Hajrullahu, nënshkruan një Marrëveshje Bashkëpunimi.

Kjo marrëveshje synon të forcojë bashkëpunimin në arsim, kërkimin shkencor dhe aktivitetet inovative, duke krijuar mundësi të reja për studentët dhe stafin akademik të të dy universiteteve.

Prof. Fetahu theksoi se ky bashkëpunim i formalizuar nuk është vetëm një dëshirë, por edhe një angazhim i përbashkët i personelit akademik të Universitetit të Elbasanit, me synimin për të qenë në shërbim të studentëve dhe zhvillimit akademik.

Marrëveshje Bashkëpunimi me Universitetin e Prishtinës

Rektorja e Universitetit të Elbasanit Prof. Dr. Elvira Fetahu, vizitoi ambientet e Laboratorit Kërkimor Shkencor të Fakultetit të Shkencave të Natyrës në UE, për prezantimin e analizës vjetore të punës së këtij laboratori.

Ky laborator ndër më cilësorët dhe akredituarit në Shqipëri, garanton cilësi dhe besueshmëri përmes testimeve ndërkombëtare, pajisjeve të kalibruara dhe trajnimit të vazhdueshëm të stafit, në ofrimin e shërbimeve në fushën e industrisë së ndërtimit dhe mekanikës. Gjithashtu, mbështet programet akademike të universitetit, duke ofruar mundësi praktike për studentët.

Në këtë vizitë, Rektorja vlerësoi punën e bërë nder vite nga stafi dhe kontributin e laboratorit në fushën e kërkimit shkencor dhe arsimit praktik, duke theksuar rëndësinë e investimeve të vazhdueshme për të mbajtur standardet më të larta në fushën e testimeve dhe analizave shkencore.

Rektorja e Universitetit të Elbasanit Prof. Dr. Elvira Fetahu viziton ambientet e Laboratorit Kërkimor Shkencor të UE-së