Në sesione informuese të zhvilluar me personelin akademik të universitetit, Prof. Fetahu, prezantoi Projektin LAIA në të cilën është pjesëmarrës edhe Universiteti i Elbasanit "Aleksandër Xhuvani", duke shënuar një hap të rëndësishëm drejt bashkëpunimit në fushën e inteligjencës artificiale.

Ky projekt, financuar nga Programi Erasmus+ KA2 CBHE i Bashkimit Evropian 🇪🇺, ka bashkuar universitete të ndryshme nga Shqipëria, Kosova, Greqia dhe Danimarka me synimin e krijimit të kurrikulave të nivelit master në fushën e inteligjencës artificiale në rajon duke mundësuar formimin e ekspertëve të inteligjencës artificiale.

Universiteti i Elbasanit “Aleksandër Xhuvani” është shpresëplotë në impaktin pozitiv që do të ketë ky projekt në forcimin e kapaciteteve arsimore, për të qenë bashkëkohor me kërkesat e tregut ndërkombëtar, si edhe me zhvillimin e teknologjisë.

Prezantimi i projektit LAIA nga koordinatorja e projektit, Zëvendësrektorja e Universitetit të Elbasanit Prof.Dr. Elvira Fetahu

Në mjediset e Universitetit të Elbasanit "Aleksandër Xhuvani", u promovua libri "Qeverisja e Shqipërisë gjatë Luftës së Dytë Botërore 1939-1944", me autor historianin Gjet Ndoj.

Në fjalën e tij përshëndetëse Zëvendësrektori i Universitetit të Elbasanit, Prof.as.dr. Peçi Naqellari, u shpreh mbi rëndësinë dhe vlerat që sjell ky libër në aspektin akademik, historik dhe shoqëror, duke e konsideruar një burim të mirë reference sidomos për studiuesit e Luftës së II Botërore dhe qeverisjes së Shqipërisë gjatë viteve 1939-1944. Gjitashtu ai theksoi se promovimi i librave të kësaj natyre me studime të mirëfillta, janë një vlerë për Universitetin e Elbasanit “Aleksandër Xhuvani”, të cilët kanë vazhdimisht mbështetjen e rektoratit dhe strukturave të UE-së. 

Më shumë

Universiteti i Elbasanit “Aleksandër Xhuvani” në bashkëpunim me Drejtorinë Rajonale të Punësimit, Elbasan, për të katërtin vit rradhazi, zhvilloi ceremoninë e shpërndarjes së certifikatave të praktikave profesionale.

Në fjalën e saj përshëndetëse Zëvendësrektorja e Universitetit, Prof.dr. Elvira Fetahu, theksoi rëndësinë e kryerjes së praktikave profesionale, duke garantuar fitimin e një përvoje kualifikuese, pasurimin e jetëshkrimit të tyre, si edhe zhvillimin e mëtejshëm të aftësive profesionale dhe personale.

Drejtoresha e Drejtorisë Rajonale të Agjencisë Kombëtare të Punësimit dhe Aftësive Elbasan, Znj. Marsida Hyseni, shprehu kënaqësinë e bashkëpunimit me Universitetin e Elbasanit në zhvillimin e praktikave profesionale, si edhe përgëzoj të rinjtë për përkushtimin dhe profesionalizmin e tyre.

Më shumë

Ambasadori i Vëndeve të Ulëta në Tiranë Sh.T Reinout Vos, zhvilloi një vizitë në Universitetin e Elbasanit “Aleksandër Xhuvani”, ku u mirëprit fillimisht nga Zëvendësrektorja e Universitetit Prof.Dr. Elvira Fetahu, e cila e prezantoi me historinë, kontributin dhe veprimtarinë e universitetit në vend, rajon dhe më gjerë, gjithashtu diskutuan mbi mundësitë e bashkëpunimit institucional në fushën e arsimit.

Më pas Z. Vos, zhvilloi një diskutim të hapur me studentë, pedagogë dhe përfaqësues të organizatave të shoqërisë civile, ku mundën të diskutojnë mbi procesin, rëndësinë dhe pritshmëritë e integrimit të Shqipërisë në Bashkimin Europian, pa anashkaluar edhe vlerat e shtuara që Shqipëria do t’i sjellë vetë BE-së.  

Më shumë

Universiteti i ‘Foro Italico’, Romë, zhvilloi në Bbliotekën Kombëtare Qendrore të Romës, Itali, konferencën “AQUAE: Një ujë, një shëndet, menaxhimi i qëndrueshëm i ujit mes ndryshimeve klimatike, rregulloreve dhe perspektivave të reja”.

Të pranishëm në këtë konferencë, ishin pjesëmarrës nga fusha akademike, përfaqësues nga pushteti vendor dhe lokalë, institucione të ndryshme të shëndetit dhe shkencës etj.

Në kumtesën e tij, Prof. Topi, u ndal në rëndësinë e rolit të arsimit dhe kërkimit në ruajtjen e pasurive thelbësore, misionin e universiteteve në transmetimin e dijes, si edhe në përgatitjen e qytetarëve të përgjegjshëm dhe të ndërgjegjshëm, të aftë për t'u përballur me sfidat globale me kompetencë dhe integritet .

Më shumë

Ministria e Arsimit dhe Sportit, Znj. Ogerta Manastirliu, monitoroi nga afër trajnimet që zhvillohen në Universitetin e Elbasanit “Aleksandër Xhuvani” nga personeli akademik.

Në vizitën e saj shoqëruar nga stafi drejtues i universitetit mundi të shkëmbente mendime e propozime me trajnuesit dhe mësuesit. Gjithashtu vlerësoi ambientet e universitetit të venë në dispozicion nga ana e universitetit për zhvillimin e këtyre trajnimeve dhe jo vetëm, duke i cilësuar si bashkëkohore.

Ministria e Arsimit dhe Sportit, Znj. Ogerta Manastirliu në Universitetin e Elbasanit “ Aleksandër Xhuvani