Në Universitetin e Elbasanit “Aleksandër Xhuvani”, u zhvillua mbledhja për Konstituimin e Këshillit Studentor, pas zhvillimit të procesit zgjedhor për Këshillin Studentor, me përfaqësues nga këshillat studentor të fakulteteve, Komisioni Institucional Zgjedhor dhe Komisioni Apelimit Studentor.
Fakulteti i Shkencave të Edukimit në Universitetin e Elbasanit "Aleksandër Xhuvani" mbajti me sukses Konferencën e 3-të Ndërkombëtare me temë "Globalizimi dhe Integrimi në Edukimin Bashkëkohor". Në fjalën e tij përshëndetëse rektori i universitetit, Prof.dr. Skender Topi, shprehu vlerësimin për angazhimin dhe organizimin e konferencave shkencore, duke u kthyer në promotor të shumë iniciativave, përfshirë këtu projekte të shumta të fituara në nivel kombëtar dhe ndërkombëtar. Një shëmbull i shkëlqyer i këtyre iniciativave është edhe pjesëmarrja e gjerë e profesorëve brenda dhe jashtë vendit, duke treguar kështu edhe njëherë që largësia nuk pengon zhvillimin e bashkëpunimit kur si qëllim është arsimi. Kjo konferencë e organizuar nga Fakulteti i Shkencave të Edukimit, shërben si një platformë për studies, kërkues, akademikë dhe profesionistë nga e gjithë bota, për të bashkëndajnë ide, perspektiva dhe këndvështrime të reja, duke kontribuar në zhvillimin e njohurive shkencore në fushën e edukimit.
Universiteti i Elbasanit "Aleksandër Xhuvani" në bashkëpunim me Kryqin e Kuq Shqiptar Dega Elbasan dhe Bankën Kombëtare të Transfuzionit të Gjakut, organizuan sesion dhurimi vullnetar të gjakut në ambjentet e universitetit, nën moton "Dhuro gjak, shpëto një jetë!".
Si çdo vit tjetër,u vërejt një gatishmëri e madhe e studentëve , personelit akademik dhe punonjësve tjerë të këtij institucioni për t'ju bashkuar kësaj nisme, kontributi i të cilëve do t'ju vijë në ndihmë fëmijëve Talasemikë.
Sesion dhurimi vullnetar të gjakut në Universitetin e Elbasanit “Aleksandër Xhuvani”
Drejtues të Universitetit të Elbasanit "Aleksandër Xhuvani", në datën 4 dhjetor 2023, zhvilluan një takim me Komisioneren e Seksionit të Përgjithshëm pranë Institucionit të Avokatit të Popullit, Znj. Vilma Shurdha, e shoqëruar nga ndihmëskomisionerja që mbulon problemet e arsimit pranë këtij institucioni.
Zëvendësrektori i Universitetit, Prof.as.dr. Peçi Naqellari, informoi të pranishmit mbi universitetin, programet e studimit dhe strukturat që vihen në dispozicion për studentët. Ai u përqendrua në problematikat dhe shqetësimet që kanë sot institucionet e arsimit të lartë.
Në përfundim të takimit Znj. Vilma Shurdha, zhvilloi një takim me studentë, me qëllim informimin mbi rolin dhe funksionin e institucionit të Avokatit të Popullit si një institucion kushtetues në mbrojtjen dhe promovimin e të drejtave të njeriut.
Partners Albania në bashkëpunim me Universitetin e Elbasanit "Aleksandër Xhuvani", organizoi sesionin e informimit mbi Thirrjen e Parë për Aplikime, të projektit "Challenge Fund".
Objektivi i këtij projekti është të ofrojë mbështetje financiare dhe teknike për rreth 50 startup-e dhe ndërmarrje mikro, të vogla dhe të mesme shqiptare me zgjidhje inovative në faza të ndryshme të zhvillimit të tyre, përmes skemave konkurruese të mbështetjes, rrjetëzimit dhe ekspozimit në tregjet kombëtare dhe ndërkombëtare.
Për të aplikuar klikoni linkun: https://challengefund.euforinnovation.al/apply/
Aktivitete në UE
Biblioteka
Njoftime
Kontakte