Shpallje konkursi për personel administrativ ndihmës mësimor-laborant në Departamentin e Edukimit Fizik dhe Sporteve, në FSHE

Departamenti i Edukimit Fizik dhe Sporteve në Fakultetin e Shkencave të Edukimit, në Universitetin e Elbasanit “Aleksander Xhuvani” shpall konkurs për personel administrativ ndihmës mësimor –laborant me kohë të plotë.

Kriteret për konkurrim janë:

• Të këtë mbaruar studimet e larta në fushën e shkencave të edukimit brenda ose jashtë vendit. Diplomat e fituara jashtë vendit duhet të jenë të njohura nga MASR.
• Të ketë aftësi të mira komunikuese
• Të jetë njohës i programeve kompjuterike
• Të zotërojë një gjuhë të huaj
• Të ketë specializime në fushën e organizimit të sportit
• Të ketë përvojë pune në fushën e kërkuar.
• Të jetë i aftë të punojë në grup/aftësi organizuese

Kandidatët duhet të dorëzojnë pranë Drejtorisë së Burimeve Njerëzore të Rektoratit të Universitetit të Elbasanit “Aleksandër Xhuvani” në periudhën 26.02.2018 – 07.03.2018 këto dokumente:

• Kërkesë me shkrim (Plotësimi i formularit të aplikimit).
• C. V të përgjithshme të përqendruar/kopje e noterizuar dokumenti identifikimi.
• Kopje të diplomave dhe të listës së notave (noterizuar).
• Kualifikime brenda dhe jashtë vendit.
• Dëshmia e gjuhëve të huaja që zotëron (noterizuar).
• Dëshmi penaliteti/vetëdeklarim i gjendjes gjyqësore.
• Raport mjeko-ligjor.

Përveç konkurrimit me dosje aplikantët do t’i nënshtrohen një interviste në department. Shënim: Formularët për plotësim gjenden në adresën www.uniel.edu.al/fakulteti i shkencave te edukimit/njoftime