U prezantua në Universitetin e Elbasanit "Aleksandër Xhuvani", nisma "Make it Visible", një bashkëpunim midis rrjetit "Barazi në Vendimarrje" dhe Era Film me mbështetjen dhe të Bashkimit Evropian.
Znj.Edlira Çepani, Koordinatore Kombëtare, shprehu falenderimin dhe vlerësimin e saj, për mbështetjen, mundësitë dhe nismat e vazhdueshme që Universiteti i Elbasanit dhe Rektori Prof.dr. Skender Topi u mundëson.
U zhvillua Konferenca e II-të Ndërkombëtar në Logopedi dhe Fizioterapi në Fakultetin e Shkencave Mjekësore Teknike në bashkëpunim me departamentin e Mjekësisë Ndërsiplinare të Universitetit "Aldo Moro" .
Rektori i Universitetit të Elbasanit "Aleksandër Xhuvani, Prof.dr. Skender Topi, në fjalën përshëndetëse, shprehu rëndësinë e krijimit të eventeve të tilla akademike, sfidat e Arsimit të Lartë gjatë periudhës së pandemisë dhe bashkëpunimin e vazhdueshëm të studiuesve dhe kërkuesve për të implementuar në praktikë rezultatet e kerkimeve shkencore.
Studentë të programit të studimit të gazetarisë së Universitetit të Elbasanit, marrin pjesë në Akademinë e Medias, organizuar nga Instituti Yunus Emre, në Tiranë.
Studentët në përfundim të trajnimeve teorik dhe praktikë mbi përdorimin e aplikacioneve e mediave sociale, fazat e prodhimit të lajmit etj, u pajisën me certifikatat përkatëse.
U mbajt në Universitetin e Elbasanit "Aleksandër Xhuvani", simpoziumi shkencor "Aleksandër Xhuvani në leksikologjinë shqiptare", në bashkëpunim me Akademinë e Studimeve Albanologjike.
Në fjalën përshëndetëse, Zëvendësrektori i këtij universiteti Prof.as.dr Peçi Naqellari, theksoi rëndësinë e këtij simpoziumi si një obligim ndaj vlerësimit dhe lartësimit të figurës së Aleksandër Xhuvanit, puna dhe kontributi i të cilit është një trashëgimi kulturore për qytetin dhe studentët.
Në Universitetin e Elbasanit "Aleksandër Xhuvani", u zhvillua Konferenca Shkencore "Qendrat e banuara të Shqipërisë, gjendja dhe e ardhmja".
Ky aktivitet u organizua në bashkëpunim me Akademinë e Shkencave të Shqipërisë, me një pjesëmarrje të theksuar të personaliteteve, studiuesve, pedagogëve dhe studentëve.
Në fjalën e tyre përshëndetëse pjesëmarrësit, theksuan historinë, problematikat që kanë shoqëruar përgjatë viteve qendrat e banuara, nevojën për studime më gjithëpërfshirëse. Gjithashtu, një rol të veçantë iu kushtua iniciativave për studime më të thelluara të gjendjes dhe të ardhmes së këtyre banimeve.
U organizua në Fakultetin Ekonomik të Universitetit të Elbasanit "Aleksandër Xhuvani", Konferenca e 9-Ndërkombëtare
U zhvillua në Fakultetin Ekonomik të Universitetit të Elbasanit "Aleksandër Xhuvani", Konferenca e 9-të Ndërkombëtare me titull "Përparimet në Biznes, Financë dhe Drejtësi". Zv. Rektore e Universitetit të Elbasanit "Aleksandër Xhuvani, Prof.as.dr Elvira Fetahu, , në fjalën e saj, theksoi rolin që ka luajtur ndërkombëtarizimi në arritjet e universitetit duke renditur programin Erasmus +, Buletinin Shkencor, projektet fituese për kërkimin shkencor dhe bërja pjesë e një prej biblotekave më të mëdha në botë JSTORE, duke i mundësur këtij fakulteti pasurimin e biblotekës me tekste ndërkombëtare.
Aktivitete në UE
Biblioteka
Njoftime
Kontakte