Fillimisht, nxënësit të shoqëruar nga mësuesja e tyre, znj. Manjola Tahiraj, u pritën nga Zyra e Këshillimit të Karrierës dhe Alumnit ku u informuan rreth fakulteteve përbërëse dhe rreth  programeve të studimit që UE ofron, u njohën më nga afër me zyrën e karrierës dhe rëndësinë që ajo ka për jetë studentore, për mundësinë që u ofron studentëve në zhvillimin e praktikave profesionale dhe krijimin e kontakteve me bizneset e partnerë të tjerë për të mundësuar punësimin e tyre.

Gjithashtu gjimnazistët u informuan rreth programit Erasmus+ dhe internshipeve studentore, për marrëveshjet e bashkëpunimit që UE ka me institucione të ndryshme etj.

Të drejtuar nga Zyra e Këshillimit të Karrierës, realizuan një guidë në ambjentet e Korpusit Qëndror të Universitetit ku vizituan laboratorë të ndryshëm, Amfiteatrin, duke u ndalur në fund te Biblioteka e Universitetit.

Një grup nxënësish të klasës së 11-të të gjimnazit “Dhaskal Todri”, vizituan Universitetin e Elbasanit “Aleksandër Xhuvani”

Agjencia Shtetërore Startup Albania në bashkëpunim me Universitetin e Elbasanit "Aleksandër Xhuvani" organizuan sesionin informues për studentët dhe personelin akademik për mundësinë e financimit të ideve inovatore  nëpërmjet Masave Mbështetëse me Grante për startup-e.

Përfaqësues të këtij institucioni, i prezantuan studentët me thirrjen për përfitimin e granteve dhe masave mbështetëse, fondin e vënë në dispozicion, kriteret, fazat, procedurat, afatet etj.

Agjencia Shtetërore Startup Albania do të mbështesi zhvillimin e startup-ve shqiptare duke financuar individe privatë, nomadë digjitale, kompani të regjistruara, studentë e personel akademik që kanë ide inovatore.

Organizohet Sesion Informues në Universitetin e Elbasanit në bashkëpunim me Agjencinë Shtetërore Startup Albania

Në një përpjekje të frymëzuar nga humanizmi dhe dëshira për të ndikuar pozitivisht në shoqërinë tonë, studentët e Klubit Studentor Vullnetari  i janë bashkuar nismës për të dhuruar gjak për fëmijët talasemikë.

Studentët e Klubit Studentor Vullnetari i bashkohen nismës për dhurimin e gjakut

Universiteti i Elbasanit “Aleksandër Xhuvani”, Departamenti i Histori-Gjeografisë në bashkëpunim me Departamentin e Gjuhësisë, si edhe me Fondacionin “Hasan Prishtina”, Institutin e Studimeve Sociale e Humane pranë Universitetit të Prishtinës “Hasan Prishtina”, organizuan tryezën shkencore me titull: “Hasan Prishtina ideologu i lëvizjes për bashkimin kombëtar të shqiptarëve”.

Veprimtaria atdhetare e Hasan Prishtinës u prezantua si fillim nga Z. Mehmet Prishtina në ekspozitën e paraqitur në hollin e bibliotekës së universitetit me dokumente të ndryshme nga AQSH, duke vijuar më pas me kumtesat e pjesëmarrësve.

Pjesëmarrës në këtë tryezë shkencore ishin personeli akademik dhe studentë të të tria cikleve nga Fakulteti i Shkencave Humane, si edhe përfaqësues të familjeve të rilindasve shqiptarë.

Organizohet në Universitetin e Elbasanit “Aleksandër Xhuvani” Tryeza Shkencore “Hasan Prishtina ideologu i lëvizjes për bashkimin kombëtar të shqiptarëve”

Vetëm pak kohë nga ngritja e Klubit Studentor të Vullnetarëve  në Universitetin e Elbasanit "Aleksandër Xhuvani”, ka nisur iniciativa e parë e tyre, duke bërë një vizitë të veçantë në  maternitetin dhe pediatrinë e Spitalit të Elbasanit. Studentët shpërndanë verore të bashkëngjitura me thënie dhe mesazhe të ndryshme, duke përcjellë emocione të paharrueshme për më të vegjlit në Ditën e Verës.

Iniciativë nga Klubi Studentor i Vullnetarëve në Universitetin e Elbasanit

Universiteti i Elbasanit "Aleksandër Xhuvani”, merr pjesë në Panairin Work & Study 2024, duke ndarë mundësi dhe rrugë të reja për maturantët e Elbasanit. Zyra e Këshillimit të Karrierës, personeli akademik dhe studentët, kanë ofruar informacion të rëndësishëm për programet e studimit, programet e shkëmbimeve ndërkombëtare 🇪🇺, mundësitë e praktikave profesionale dhe hapësirat e dedikuara për zhvillimin e tyre akademik, profesional dhe kulturor. Gjithashtu, maturantët që kanë vizituar stendën e universitetit kanë pasur rastin të dëgjojnë nga përvojat e suksesshme të studentëve aktualë dhe të të diplomuarve.
Ky aktivitet u zhvillua në kuadër të këshillimit të karrierës, në bashkëpunim me Ministrinë e Arsimit dhe Sportit, IAL, Dhomën e Tregtisë Tiranë, ZVAP Elbasan  dhe  Bashkinë Elbasan.

Universiteti i Elbasanit "Aleksandër Xhuvani”, merr pjesë në Panairin Work & Study 2024, duke ndarë mundësi dhe rrugë të reja për maturantët e Elbasanit