Shpallje konkursi për staf akademik me kohë të plotë në Departamentin e Lëndëve Paraklinike dhe Klinike, "asistent lektor"

Departamenti i Lëndëve Paraklinike dhe Klinike Fakulteti i Shkencave Mjekësore Teknike, i Universitetit të Elbasanit “A. Xhuvani” për nevojat e tij shpall konkurs për staf akademik me kohë të plotë për vitin akademik 2016-2017.

Kriteret e përgjithshme për konkurim janë:

• Kandidati t’i përkasë kategorisë “asistent lektor”. Të ketë mbaruar studimet e larta në fushën e Shkencave Mjekësore në Shqipëri apo jashtë saj. Diploma e fituar jashtë vendit duhet të jetë e njohur nga MAS.
• Të ketë përfunduar studimet Master i Shkencave ose ekuivalente me të si dhe Bachelor në Menaxhim Intermieror/Infermier i Përgjithshëm, me notë mesatare mbi 8.5.
• Kandidati duhet të zotërojë të paktën një gjuhë të huaj perëndimore të mbrojtur dhe e vërtetuar me dëshmi.
• Të ketë pjesëmarrje në konferenca, botime në revista shkencore dhe studime në fushën e shkencave mjekësore.
• Të ketë kryer kurse ose kualifikime brenda ose jashtë vendit në fushën e shkencave mjekësore
• Të ketë përvojë akademike

Kandidatët duhet të dorëzojnë pranë Drejtorisë së Burimeve Njerëzore të Rektoratit të Universitetit “Aleksandër Xhuvani” Elbasan deri më datë 01.03.2017 këto dokumente:

• Kërkesë me shkrim (Plotësimi i formularit te aplikimit).
• C. V të përgjithshme të përqendruar/kopje e noterizuar dokumenti identifikimi.
• Kopje të diplomës dhe të listës së notave (noterizuar).
• Provime, mikroteza etj.
• Botimet (monografi, artikuj, tekste mësimore, projekte).
• Kualifikime brenda dhe jashtë vendit.
• Dëshmia e gjuhëve të huaja që zotëron.
• Dëshmi penaliteti/vetëdeklarim i gjendjes gjyqësore.
• Raport mjeko-ligjor.
• Vërtetim lejimi për dhënie mësim në UE nga punëdhënësi/rekomandime

Përveç konkurrimit me dosje aplikantët do t’i nënshtrohen një interviste në departament.

Shënim: Formularët për plotësim gjenden në adresën

www.uniel.edu.al/fakulteti i shkencave mjekesore teknike/njoftime