Në Fakultetin e Biznesit dhe i Drejtësisë, në kuadër të vizitës zyrtare të përfaqësuesve nga Universiteti i Vytautas Magnus, Lituani, koordinator i projektit EduGame, u zhvillua një takim me personelin akademik të Universitetit të Elbasanit “Aleksandër Xhuvani”. Gjatë takimit, përfaqësuesit Doc. Dr. Judita Kasperiuniene dhe Dr. Dovile Kuiziniene, prezantuan universitetin e tyre dhe ndanë përvojat në zhvillimin e metodave inovative mësimore.

U diskutua gjithashtu për mundësi bashkëpunimi në projekte të përbashkëta, programe të dyfishta, shkëmbime studentësh dhe pjesëmarrje në konferenca ndërkombëtare. U theksua rëndësia e forcimit të marrëdhënieve ndërkombëtare dhe e rritjes së kapaciteteve akademike të studentëve dhe stafit, ndërsa takimi shërbeu si një mundësi e vlefshme për të planifikuar hapat e ardhshëm të bashkëpunimit.

Takim me përfaqësuesit e Universitetit Vytautas Magnus në kuadër të projektit EduGame

Universiteti i Elbasanit "Aleksandër Xhuvani", nënshkroi ditën e sotme Memorandumin e Mirëkuptimit dhe marrëveshjen e Ndihmës Juridike Parësore me Ministrinë e Drejtësisë. Përmes këtyre marrëveshjeve, UE permbush nje objektiv thelbësor në drejtim të rritjes profesionale të studentëve dhe personelit akademik, duke i mundësuar edhe aftësimin praktik nëpërmjet Klinikës së Ligjit të Fakultetit të Biznesit dhe të Drejtësisë qe i garanton të gjithë shtetasve akses të barabartë në drejtësi.

Në vijim të nënshkrimit të memorandumit, Ministri i Drejtësisë, Z. Ulsi Manja, ne ceremoninë zyrtare të emërtimit të Fakultetit te Biznesit dhe Drejtësise, zhvilloi një takim të frytshëm me studentë dhe personel akademik të këtij fakulteti.

Më shumë

Studentët e Fakultetit të Biznesit dhe Drejtësisë në Universitetin e Elbasanit fitojnë Çmimin e Parë për Qëndrueshmërinë e Portofolit Virtual në Lojën Ndërkombëtare të Bursës së Shtutgart, organizuar nga Deutsche Sparkassenstiftung für Internationale Kooperation (DSIK) në bashkëpunim me Autoritetin e Mbikëqyrjes Financiare (AMF).

Studentët Klised Rungo, Katerina Kulla, Sonja Lleshanaku dhe Ilda Alla, fituesit e këtij konkursi, u pritën nga Rektorja e Universitetit, Prof. Dr. Elvira Fetahu, e cila vlerësoi dhe inkurajoi angazhimin e tyre dhe mbështetjen e personelit akademik.

Ky sukses është një dëshmi e aftësive të tyre të jashtëzakonshme në analizën financiare dhe menaxhimin e investimeve në një platformë që simulon tregjet reale të bursës.

Më shumë

Në Universitetin e Elbasanit “Aleksandër Xhuvani” u përurua Klinika e Ligjit, një projekt bashkëpunimi dyvjeçar me Prezencën e OSBE-së në Shqipëri, që do të ofrojë ndihmë juridike falas për qytetarët në nevojë. Studentët dhe profesorët e drejtësisë do të përfshihen në këtë shërbim, duke kombinuar teorinë me praktikën, ndërsa pajisjet dhe literatura e dhuruar nga OSBE-ja do të mbështesin kapacitetet e tyre.

Rektori Prof. dr. Elvira Fetahu theksoi rëndësinë e Klinikës së Ligjit si një hap drejt arsimit praktik dhe angazhimit qytetar, ndërsa Ambasadori Michel Tarran nënvizoi rolin e Klinikës së Ligjit për drejtësinë dhe përkushtimin ndaj çështjeve sociale. Ky partneritet i Universitetit të Elbasanit “Aleksandër Xhuvani” me OSBE-në forcon transparencën dhe llogaridhënien institucionale në funksion të parimit të Shtetit të së Drejtës dhe në përputhje me vlerat dhe prioritetet e OSBE-së.

Përurohet në Universitetin e Elbasanit “Aleksandër Xhuvani”, Klinika e Ligjit në bashkëpunim me Prezencën e OSBE-së në Shqipëri

Universiteti i Elbasanit “Aleksandër Xhuvani” nënshkruan Marrëveshje Bashkëpunimi me Gjykatën e Shkallës së Parë të Juridiksionit të Përgjithshëm Elbasan.

Kjo marrëveshje u hap dyert studentëve tanë për të zhvilluar praktikën profesionale në ambientet e gjykatës, duke i afruar më shumë me realitetin e sistemit të drejtësisë.

Ky është një hap i rëndësishëm për përgatitjen e profesionistëve të së ardhmes!

#UniversitetiElbasanit #Bashkëpunim #PraktikëProfesionale #Drejtësi

Universiteti i Elbasanit “Aleksandër Xhuvani” nënshkruan Marrëveshje Bashkëpunimi me Gjykatën e Shkallës së Parë të Juridiksionit të Përgjithshëm Elbasan

Në Fakultetin Ekonomik të Universitetit "Aleksandër Xhuvani" , u mbajt një leksion i hapur me temë "Siguria Kibernetike në Epokën Digjitale", në kuadër të aktiviteteve me Bordin Këshillimor të Biznesit, pranë këtij universiteti. Dekani i fakultetit, Prof.as.dr. Shpëtim Çerri, në fjalën e tij përshëndetëse, theksoi rëndësinë e pjesëmarrjes aktive të studentëve në këtë diskutim aktual dhe gjithëpërfshirës.

Temën e prezantuan dy ekspertë të sigurisë kibernetike, njëkohësisht anëtarë të Shoqatës së Bankave të Shqipërisë, Z. Reglend Xhango, menaxher i sigurisë në OTP Bank dhe kryetar i Komitetit të Sigurisë Kibernetike të AAB-së, si dhe znj. Entela Prifti, menaxhere e sigurisë në Raiffeisen Bank dhe anëtare e Komitetit të Sigurisë Kibernetike të AAB-së.

Pas prezantimit, studentët patën mundësinë të bëjnë pyetje dhe të diskutojnë rreth sigurisë kibernetike, duke treguar interes dhe kuriozitet për këtë fushë.

Leksion i hapur "Siguria Kibernetike në Epokën Digjitale" në Fakultetin Ekonomik