Në Universitetin e Elbasanit “Aleksandër Xhuvani” u përurua Klinika e Ligjit, një projekt bashkëpunimi dyvjeçar me Prezencën e OSBE-së në Shqipëri, që do të ofrojë ndihmë juridike falas për qytetarët në nevojë. Studentët dhe profesorët e drejtësisë do të përfshihen në këtë shërbim, duke kombinuar teorinë me praktikën, ndërsa pajisjet dhe literatura e dhuruar nga OSBE-ja do të mbështesin kapacitetet e tyre.

Rektori Prof. dr. Elvira Fetahu theksoi rëndësinë e Klinikës së Ligjit si një hap drejt arsimit praktik dhe angazhimit qytetar, ndërsa Ambasadori Michel Tarran nënvizoi rolin e Klinikës së Ligjit për drejtësinë dhe përkushtimin ndaj çështjeve sociale. Ky partneritet i Universitetit të Elbasanit “Aleksandër Xhuvani” me OSBE-në forcon transparencën dhe llogaridhënien institucionale në funksion të parimit të Shtetit të së Drejtës dhe në përputhje me vlerat dhe prioritetet e OSBE-së.

Përurohet në Universitetin e Elbasanit “Aleksandër Xhuvani”, Klinika e Ligjit në bashkëpunim me Prezencën e OSBE-së në Shqipëri

Në sesione informuese të zhvilluar me personelin akademik të universitetit, Prof. Fetahu, prezantoi Projektin LAIA në të cilën është pjesëmarrës edhe Universiteti i Elbasanit "Aleksandër Xhuvani", duke shënuar një hap të rëndësishëm drejt bashkëpunimit në fushën e inteligjencës artificiale.

Ky projekt, financuar nga Programi Erasmus+ KA2 CBHE i Bashkimit Evropian 🇪🇺, ka bashkuar universitete të ndryshme nga Shqipëria, Kosova, Greqia dhe Danimarka me synimin e krijimit të kurrikulave të nivelit master në fushën e inteligjencës artificiale në rajon duke mundësuar formimin e ekspertëve të inteligjencës artificiale.

Universiteti i Elbasanit “Aleksandër Xhuvani” është shpresëplotë në impaktin pozitiv që do të ketë ky projekt në forcimin e kapaciteteve arsimore, për të qenë bashkëkohor me kërkesat e tregut ndërkombëtar, si edhe me zhvillimin e teknologjisë.

Prezantimi i projektit LAIA nga koordinatorja e projektit, Zëvendësrektorja e Universitetit të Elbasanit Prof.Dr. Elvira Fetahu

Në Fakultetin Ekonomik të Universitetit "Aleksandër Xhuvani" , u mbajt një leksion i hapur me temë "Siguria Kibernetike në Epokën Digjitale", në kuadër të aktiviteteve me Bordin Këshillimor të Biznesit, pranë këtij universiteti. Dekani i fakultetit, Prof.as.dr. Shpëtim Çerri, në fjalën e tij përshëndetëse, theksoi rëndësinë e pjesëmarrjes aktive të studentëve në këtë diskutim aktual dhe gjithëpërfshirës.

Temën e prezantuan dy ekspertë të sigurisë kibernetike, njëkohësisht anëtarë të Shoqatës së Bankave të Shqipërisë, Z. Reglend Xhango, menaxher i sigurisë në OTP Bank dhe kryetar i Komitetit të Sigurisë Kibernetike të AAB-së, si dhe znj. Entela Prifti, menaxhere e sigurisë në Raiffeisen Bank dhe anëtare e Komitetit të Sigurisë Kibernetike të AAB-së.

Pas prezantimit, studentët patën mundësinë të bëjnë pyetje dhe të diskutojnë rreth sigurisë kibernetike, duke treguar interes dhe kuriozitet për këtë fushë.

Leksion i hapur "Siguria Kibernetike në Epokën Digjitale" në Fakultetin Ekonomik

Ambasadori i Vëndeve të Ulëta në Tiranë Sh.T Reinout Vos, zhvilloi një vizitë në Universitetin e Elbasanit “Aleksandër Xhuvani”, ku u mirëprit fillimisht nga Zëvendësrektorja e Universitetit Prof.Dr. Elvira Fetahu, e cila e prezantoi me historinë, kontributin dhe veprimtarinë e universitetit në vend, rajon dhe më gjerë, gjithashtu diskutuan mbi mundësitë e bashkëpunimit institucional në fushën e arsimit.

Më pas Z. Vos, zhvilloi një diskutim të hapur me studentë, pedagogë dhe përfaqësues të organizatave të shoqërisë civile, ku mundën të diskutojnë mbi procesin, rëndësinë dhe pritshmëritë e integrimit të Shqipërisë në Bashkimin Europian, pa anashkaluar edhe vlerat e shtuara që Shqipëria do t’i sjellë vetë BE-së.  

Më shumë

Zyra e Marrëdhënieve me Jashtë në Universitetin e Elbasanit vijoi sot "Ditët e Informimit” për mobilitetet e studentëve me programin Erasmus+, për vitin akademik 2024-2025.

Pas suksesit të ditës së parë, sot u informuan studentët e Fakultetit Ekonomik, mbi mundësitë e shumta që ofron programi Erasmus+ dhe projektet e financuara nga Bashkimi Europian për ngritjen e kapaciteteve.

Studentët shfaqën një angazhim të veçantë gjatë sesionit informues, duke u bërë pjesë e këtij procesi që hap dyert drejt një eksperience të re akademike dhe kulturore.

Fakulteti Ekonomik ishte ndalesa e radhës për aktivitetin 'Ditët e Informimit', për të prezantuar mundësitë e mobilitetit studentor në kuadër të Programit Erasmus+

Në përfundim të vitit akademik dhe për një nisje sa më të qetë të sezonit të provimeve, Klubi Studentor i Sportit në bashkëpunim me AST Albania,  realizoi disa aktivitete, përfshirë hiking dhe rafting, eksperienca të reja për studentët. Destinacionet e tyre ishin Funari, Ujëvara e Sotirës dhe Kanionet e Holtës.

Klubi Studentor i Sportit i Universitetit të Elbasanit “Aleksandër Xhuvani”, zhvillon aktivitet në bashkëpunim me AST Albania