Fakulteti i Shkencave të Edukimit në Universitetin e Elbasanit "Aleksandër Xhuvani" mbajti me sukses Konferencën e 3-të Ndërkombëtare me temë "Globalizimi dhe Integrimi në Edukimin Bashkëkohor". Në fjalën e tij përshëndetëse rektori i universitetit, Prof.dr. Skender Topi, shprehu vlerësimin për angazhimin dhe organizimin e konferencave shkencore, duke u kthyer në promotor të shumë iniciativave, përfshirë këtu projekte të shumta të fituara në nivel kombëtar dhe ndërkombëtar. Një shëmbull i shkëlqyer i këtyre iniciativave është edhe pjesëmarrja e gjerë e profesorëve brenda dhe jashtë vendit, duke treguar kështu edhe njëherë që largësia nuk pengon zhvillimin e bashkëpunimit kur si qëllim është arsimi. Kjo konferencë e organizuar nga Fakulteti i Shkencave të Edukimit, shërben si një platformë për studies, kërkues, akademikë dhe profesionistë nga e gjithë bota, për të bashkëndajnë ide, perspektiva dhe këndvështrime të reja, duke kontribuar në zhvillimin e njohurive shkencore në fushën e edukimit.

Në Universitetin e Elbasanit "Aleksandër Xhuvani, u zhvillua Konferenca e 3-të Ndërkombëtare me temë "Globalizimi dhe Integrimi në Edukimin Bashkëkohor"

Conference Program 1 december 2023

Fakulteti Ekonomik i Universitetit të Elbasanit “Aleksandër Xhuvani” zhvilloi  konferencën e 9-të Ndërkombëtare me titull “Sfidat e fundit në Inovacionin e Sipërmarrjes dhe Kornizën Ligjore”.

Kjo konferenencë bëri bashkë akademikë, kërkues shkencorë, doktorantë dhe studentë duke nxitur debatin shkencor në funksion të përmirësimit të kërkimit, duke mundësuar një gërshetim të kontributit teorik dhe atij praktik në punime tematike të ndjeshme ndaj kërkesave aktuale të shoqërisë.

Më shumë

Universiteti i Elbasanit "Aleksandër Xhuvani" në bashkëpunim me Kryqin e Kuq Shqiptar Dega Elbasan dhe Bankën Kombëtare të Transfuzionit të Gjakut, organizuan sesion dhurimi vullnetar të gjakut në ambjentet e universitetit, nën moton "Dhuro gjak, shpëto një jetë!".

Si çdo vit tjetër,u vërejt një gatishmëri e madhe e studentëve , personelit akademik dhe punonjësve tjerë të këtij institucioni për t'ju bashkuar kësaj nisme, kontributi i të cilëve do t'ju vijë në ndihmë fëmijëve Talasemikë.

Sesion dhurimi vullnetar të gjakut në Universitetin e Elbasanit “Aleksandër Xhuvani”

Ditën e sotme, Universiteti i Elbasanit "Aleksandër Xhuvani" ka shënuar një hap të rëndësishëm drejt thellimit të bashkëpunimit me Organizatën për Siguri dhe Bashkëpunim në Europë (OSBE) në Shqipëri.

Rektori i Universitetit të Elbasanit, Prof.dr. Skender Topi dhe Ambasadori i Prezencës së OSBE në Shqipëri, Z. Bruce G. Berton, kanë nënshkruar një marreveshje që synon të themelojë Klinikën e Ligjit në Universitetin e Elbasanit. Klinika:

1️⃣    Do të ofrojë ndihmë juridike parësore për banorët me të ardhura të ulëta në qarkun e Elbasanit;

2️⃣    Do t’i vijë në ndihmë praktikës së studentëve të vitit të pestë të Drejtësisë.

Më shumë

Partners Albania në bashkëpunim me Universitetin e Elbasanit "Aleksandër Xhuvani", organizoi sesionin e informimit mbi Thirrjen e Parë për Aplikime, të projektit "Challenge Fund".

Objektivi i këtij projekti është të ofrojë mbështetje financiare dhe teknike për rreth 50 startup-e dhe ndërmarrje mikro, të vogla dhe të mesme shqiptare me zgjidhje inovative në faza të ndryshme të zhvillimit të tyre, përmes skemave konkurruese të mbështetjes, rrjetëzimit dhe ekspozimit në tregjet kombëtare dhe ndërkombëtare.

Për të aplikuar klikoni linkun: https://challengefund.euforinnovation.al/apply/

Sesion informimi në Universitetin e Elbasanit “Aleksandër Xhuvani”, në bashkëpunim me Partners Albania

Universiteti i Elbasanit "Aleksandër Xhuvani", mori pjesë në Workshop-in me temë "Transformimi i Neutralitetit Klimatik në Ballkanin Perëndimor", organizuar nga TAIEX dhe Bashkia Elbasan, me pjesëmarrjen e ekspertëve të ndryshëm nga Bashkimi Europian."

Në këtë workshop Universiteti i Elbasanit, ishte pjesë e panelit "Perspektivat e veprimit për klimën urbane: njohuri nga studiues dhe praktikues.

Ky workshop shërben për të mbështetur shkëmbimin e zgjidhjeve të zbatimit, qeverisjes dhe financimit për të arritur neutralitetin klimatik të qyteteve.

Universiteti i Elbasanit “Aleksandër Xhuvani” në workshopin e organizuar nga TAEIX dhe Bashkia Elbasan