Shpallje konkursi per personel akademik ne departamentin e kimise
Fakulteti i Shkencave të Natyrës në Universitetin “A. Xhuvani” Elbasan, për nevojat e tij në Departamentin Kimi për vitin akademik 2015-2016, shpall konkurs për 1 (një) personel akademik me kohë të plotë
Kriteret për konkurrim janë:
- Të ketë përfunduar studimet universitare në Universitetet brenda ose jashtë vendit në shkenca kimike. Diplomat e fituara jashtë vendit duhet te jenë të njohura nga MAS
- Të jetë diplomuar në fushën e shkencave Informatike me notë mesatare mbi 8.5.
- Të këtë përfunduar studimet Bachelor dhe Master (ekuivalente me të) në profilin kimi me notë mesatare mbi 8.5
- Te këtë përvojë dhe i angazhuar në mësimdhënie në lëndën e kimisë e kërkimit shkencor në këtë fushë.
- Të ketë kurse kualifikimi brenda dhe jashtë vendit në fushën përkatëse (grada, titulli është përparësi)
- Kandidati duhet të zotërojë të paktën një gjuhë të huaj perëndimore (preferohet anglishtja) e mbrojtur dhe e vërtetuar me dëshmi.
- Preferohet të ketë bërë publikime në fushën e specialitetit përkatës.
Kandidatët duhet të dorëzojnë pranë Drejtorisë së Burimeve Njerëzore të Rektoratit të Universitetit “Aleksandër Xhuvani” Elbasan deri më datë 25.02.2016 këto dokumente:
- Kërkesë me shkrim (Plotësimi i formularit te aplikimit)
- C. V të përgjithshme të përqendruar/kopje e noterizuar dokumenti identifikimi
- Kopje të diplomës dhe të listës së notave (noterizuar)
- Provime pasuniversitare mikroteza etj
- Botimet (monografi, artikuj, tekste mësimore, projekte)
- Kualifikime brenda dhe jashtë vendit.
- Dëshmia e gjuhëve të huaja që zotëron.
- Dëshmi penaliteti/ vetëdeklarim i gjendjes gjyqësore
- Raport mjeko-ligjor
Kandidatët do t'i nënshtrohen intervistës me gojë në departament
Shënim:
Formularët për plotësim gjenden në adresën www.uniel.edu.al/njoftime