“ Për fillimin e regjistrimeve në Ciklin e Dytë të studimeve me kohë të plotë “Master shkencor” dhe “Master Profesional” për vitin akademik 2012-1013 në UE”

Në mbështetje të Ligjit Nr. 9741, date 21.05.2007 “Për arsimin e lartë në Republikën e Shqipërisë”, me ndryshimet, Udhëzimin e Ministrit të MASH nr. 21 datë 12.09.2012, njoftojmë :

1.Të gjithë të interesuarit që kërkojnë të studiojnë në Universitetin “Aleksandër Xhuvani” Elbasan në programet e studimit për “Master i shkencave” dhe “Master Profesional”, se aplikimet fillojnë nga data 10.09.2012 deri me datë 25.09.2012 nga ora 8.00 deri në orën 16.00 pranë sekretarive mësimore të fakulteteve. Çdo aplikant duhet të paraqesë personalisht dokumentet:

a)Fotokopje të noterizuar të diplomës së ciklit të parë të studimeve të shoqëruar me listën origjinale të notave.

b)Dokument identifikimi (kartë identiteti ose pasaportë) dhe fotokopje të tyre. Në dosje mbahet fotokopja e kartës së identitetit ose e pasaportës.

c)Fotografi 2 copë

d)Mandat arkëtimi i tarifës së regjistrimit prej 2500 lekë

e)Deklaratë e kandidatit që vërteton se nuk ndjek program tjetër studimi të ciklit të dytë, “Master i shkencave” dhe “Master profesional” në IAL publik.

2.Pagesa e mandat arkëtimit për tarifën e regjistrimit të kryhet pranë Postës shqiptare sipas Formularit për arkëtim të publikuar në www.uniel.edu.al rubrika INFORMACIONE/njoftime

3.Programet e studimeve për Ciklin e dytë “Master profesional” e “Master shkencor” për vitin akademik 2012 – 2013 janë të publikuar në www.uniel.edu.al rubrika PRANIMET/ Programet e studimit në UE.