Aktivitete shkencore të organizuara nga FSHE dhe Departamenti i Shkencave Sociale

Departamenti i Metodologjive të Mësimdhënies organizoi në nëntor të vitit 2012 një konferencë ndërkombëtare me temë” Zhvillimi i Arsimit dhe i Edukimit në shek.XXI”. Pedagogë të Fakultetit të Shkencave të Edukimit( edhe të Departamentit të Shkencave Sociale) si dhe mjaft bashkëpunëtorë të jashtëm morën pjesë në këtë konferencë duke prezantuar artikujt e tyre shkencor.

Në 23 dhjetor të 2013 u organizuar nga Departamenti i Shkencave Sociale dhe Departamenti i Psikologjise Konferenca ndërkombëtare me temë “ Sfidat aktuale dhe e ardhmja për Punën Sociale dhe Shërbimin Psikologjik si profesione në tregun e punës në Shqipëri” .Synimi kësaj konference ishte të krijonte një forum ku profesionistë, studiues, politikbërës të shkëmbejnë rezultate të eksperiencës së tyre gjatë përpjekjeve për zhvillimin e punës sociale dhe të psikologut në aspekte të profesionit dhe fushave të punësimit, edukimit dhe sfidave profesionale të punonjësve psikolog e socialë, normave rregulluese të profesionit dhe situatës specifike në Shqipëri. Pedagogë të shkencave sociale dhe të psikologjisë u bënë pjesë e kësaj konference si në organizim dhe në tematika të trajtuara nga ata.

Në kuadrin e veprimtarive të përvitshme “Ditët Akademike”, Departamenti i Shkencave Sociale organizoi në 24 prill 2014 me Prof. Dr. Edmond Dragotin , leksionin e hapur me temë: “Ligji i statusit te Punonjesit Social. Dispozitat e pergjithshme, Objektivat dhe qellimi i ligjit, fusha e ushtrimit te profesioneve” me studentë të degës Punonjës Social sistemit bachelor dh Master. Interesimi i tyre ishte mjaft i madh sepse behej fjale per një ligj të ri I cili lidhej direct me të ardhmen e profesionit të tyre. Kjo u vu re edhe nga pyetjet e ndryshme të bëra prej tyre në këtë drejtim.