Në kuadër të Ditës Ndërkombëtare të Personave me Aftësi të Kufizuar, kemi kënaqësinë të ndajmë me ju lajmin, se personelit tonë i shtohen dy anëtarë të rinj, ish-studentë të diplomuar në Universitetin e Elbasanit, pjesëmarrës të programit të praktikave të punës pranë universitetit tonë dhe nga sot pjesë e stafit të rektoratit, duke sjellë përkushtimin, aftësitë dhe entuziazmin e tyre për të mbështetur më tej misionin dhe vizionin e universitetit tonë.

Ju urojmë suksese Eligerta Sadja dhe Luan Qosja në rrugëtimin e tyre profesional!

Stafit të Universitetit të Elbasanit “Alesandër Xhuvani”, i shtohen 2 ish-studentë të tij

Universiteti i Elbasanit “Aleksandër Xhuvani”, në bashkëpunim me Qendrën për Transparencë dhe Informim të Lirë, organizoi një tryezë diskutimi me titull “Ngritja e kapaciteteve në mediat audiovizive për përdorimin e Inteligjencës Artificiale (AI) në pajtim me standarde etike dhe profesionale të gazetarisë”. Ky projekt u realizua me mbështetjen e Autoritetit të Mediave Audiovizive në Shqipëri.

Z. Sami Nezaj, Drejtor i Qendrës për Transparencë dhe Informim të Lirë, trajtoi me studentët aspekte të përdorimit të AI në mediat audiovizive në Shqipëri, dhe diskutoi kërkimet dhe gjetjet në lidhje me nevojën e përdorimit etik të AI, bazuar në monitorimet e mediave audiovizive shqiptare.

Më shumë

Universiteti i Elbasanit "Aleksandër Xhuvani", nënshkroi ditën e sotme Memorandumin e Mirëkuptimit dhe marrëveshjen e Ndihmës Juridike Parësore me Ministrinë e Drejtësisë. Përmes këtyre marrëveshjeve, UE permbush nje objektiv thelbësor në drejtim të rritjes profesionale të studentëve dhe personelit akademik, duke i mundësuar edhe aftësimin praktik nëpërmjet Klinikës së Ligjit të Fakultetit të Biznesit dhe të Drejtësisë qe i garanton të gjithë shtetasve akses të barabartë në drejtësi.

Në vijim të nënshkrimit të memorandumit, Ministri i Drejtësisë, Z. Ulsi Manja, ne ceremoninë zyrtare të emërtimit të Fakultetit te Biznesit dhe Drejtësise, zhvilloi një takim të frytshëm me studentë dhe personel akademik të këtij fakulteti.

Më shumë

Në Universitetin Mesdhetar të Shqipërisë (UMSH) u zhvillua takimi i 2-të i partnerëve të projektit LAIA (Laboratories of Artificial Intelligence in Albania and Kosovo), i financuar nga Bashkimi Europian. Ky projekt synon të promovojë inovacionin dhe përmirësojë arsimin në fushën e Inteligjencës Artificiale përmes bashkëpunimit ndërkombëtar.

Rektori i Universitetit të Elbasanit “Aleksandër Xhuvani”, Prof.dr. Elvira Fetahu, vlerësoi këtë projekt si një mundësi të shkëlqyer për të marrë dije të thelluara në fushën e Inteligjencës Artificiale, për studentët dhe personelin akademik.

Më shumë

Universiteti i Elbasanit "Aleksandër Xhuvani", në bashkëpunim me Institutin e Kulturës Rome në Shqipëri dhe ERIAC, organizuan Forumin e Ballkanit Perëndimor mbi institucionalizimin e Gjuhës Rome.

Ky forum kishte në fokus unifikimin e rekomandimeve shkencore, me qëllim dokumentimin e gjuhës rome, e cila është faza e parë e krijimit të teksteve të shkruara, e studimit të romishtes dhe e hartimit të teksteve të përshtatshme shkollore, si edhe ruajtjen e trashëgimisë së përbashkët kulturore.

Më shumë

Zyra e Këshillimit të Karrierës dhe Alumnit, në bashkëpunim me Protik Innovation Hub, organizoi një sesion informues mbi projektin “Harvard Simulations Days.” Ky projekt, i zhvilluar në partneritet me Ambasadën Amerikane dhe Harvard Business Publishing, përfshin një seri simulimesh që mbulojnë tematika si siguria kibernetike, sipërmarrja dhe startup-et.

Në workshop-in e mbajtur në Zyrën e Këshillimit të Karrierës dhe Alumni, morën pjesë 19 studentë nga programet e Teknologjisë së Informacionit, Matematikë-Fizikë, Punë Sociale dhe Infermieri e Përgjithshme. Studentët shfaqën interes për aktivitetin, i cili do të kulmojë në Tiranë me një simulim të madh, ku studentë të përzgjedhur nga universitetet e Shqipërisë do të sfidojnë njëri-tjetrin në një mjedis konkurrues dhe bashkëpunues.

Më shumë