Universiteti i Elbasanit “Aleksandër Xhuvani”, Departamenti i Histori-Gjeografisë në bashkëpunim me Departamentin e Gjuhësisë, si edhe me Fondacionin “Hasan Prishtina”, Institutin e Studimeve Sociale e Humane pranë Universitetit të Prishtinës “Hasan Prishtina”, organizuan tryezën shkencore me titull: “Hasan Prishtina ideologu i lëvizjes për bashkimin kombëtar të shqiptarëve”.

Veprimtaria atdhetare e Hasan Prishtinës u prezantua si fillim nga Z. Mehmet Prishtina në ekspozitën e paraqitur në hollin e bibliotekës së universitetit me dokumente të ndryshme nga AQSH, duke vijuar më pas me kumtesat e pjesëmarrësve.

Pjesëmarrës në këtë tryezë shkencore ishin personeli akademik dhe studentë të të tria cikleve nga Fakulteti i Shkencave Humane, si edhe përfaqësues të familjeve të rilindasve shqiptarë.

Organizohet në Universitetin e Elbasanit “Aleksandër Xhuvani” Tryeza Shkencore “Hasan Prishtina ideologu i lëvizjes për bashkimin kombëtar të shqiptarëve”

Universiteti i Elbasanit, Departamenti i Gjuhësisë në bashkëpunim me Departamentin e Gjuhës dhe Kulturës Sllave dhe lektoratin e shqipes si pjesë e projektit seeFField në Universitetin e Resensburgut, organizuan bashkëpunimin e parë shkencor në Universitetin e Elbasanit, si shkëmbim të përvojave studimore për një nga çështjet e rëndësishme të realitetit gjuhësor në shek.XXI.

Pjesë e kësaj tryeze ishin personeli akademik i Fakultetit të Shkencave Humane, Departamentit të Gjuhësisë dhe Departamentit të Gjuhëve të Huaja, si edhe studentët e programeve të studimit të këtyre departamenteve të tre cikleve.

Zhvillohet në Universitetin e Elbasanit "Aleksandër Xhuvani", tryeza shkencore me titull "Multilingualizmi (shumëgjuhësia) i qytetit në kontektstin e gjuhësisë shqiptare-propozime për qasje të reja teorike"

Universiteti i Elbasanit "Aleksandër Xhuvani”, merr pjesë në Panairin Work & Study 2024, duke ndarë mundësi dhe rrugë të reja për maturantët e Elbasanit. Zyra e Këshillimit të Karrierës, personeli akademik dhe studentët, kanë ofruar informacion të rëndësishëm për programet e studimit, programet e shkëmbimeve ndërkombëtare 🇪🇺, mundësitë e praktikave profesionale dhe hapësirat e dedikuara për zhvillimin e tyre akademik, profesional dhe kulturor. Gjithashtu, maturantët që kanë vizituar stendën e universitetit kanë pasur rastin të dëgjojnë nga përvojat e suksesshme të studentëve aktualë dhe të të diplomuarve.
Ky aktivitet u zhvillua në kuadër të këshillimit të karrierës, në bashkëpunim me Ministrinë e Arsimit dhe Sportit, IAL, Dhomën e Tregtisë Tiranë, ZVAP Elbasan  dhe  Bashkinë Elbasan.

Universiteti i Elbasanit "Aleksandër Xhuvani”, merr pjesë në Panairin Work & Study 2024, duke ndarë mundësi dhe rrugë të reja për maturantët e Elbasanit

Në Universitetin e Elbasanit  "Aleksandër Xhuvani", u organizua për dy ditë radhazi Seminari i Parë Kombëtar HERE nga grupi i ekspertëve HERE, Zyra Kombëtare Erasmus+ dhe SPHERE, me pjesëmarrjen e veçantë të ekspertit Prof.dr. Liviu Matei MAE

Në fokus të këtij takimi ishin çështjet kyçe që lidhen me procesin e ndërkombëtarizimit në arsimin e lartë.

Universiteti i Elbasanit "Aleksandër Xhuvani", prej vitesh ka në qendër të strategjisë institucionale zhvillimin e ndërkombëtarizimit, përmes programeve të shkëmbimit, bashkëpunimit me universitetet e tjera partnere, pjesëmarrjes në projekte ndërkombëtare, organizimin e konferencave dhe aktiviteteve ndërkombëtare, duke forcuar kështu lidhjet me institucionet e tjera në botë.

Organizohet Seminari i Parë Kombëtar HERE në Universitetin e Elbasanit “Aleksandër Xhuvani”

Nga data 4-6 Mars 2024 u zhvillua në Universitetin e Elbasanit “Aleksandër Xhuvani”, takimi i grupit drejtues dhe grupeve të punës të projektit CA21114 - CLIL Network for Languages in Education : Towards bi- and multilingual disciplinary literacies (CLILNetLE), një projekt i COST Association, financuar nga Komisioni Europian🇪🇺.

Gjatë këtyre ditëve ekspertë të fushës së shumëgjuhësisë nga 16 vende të ndryshme punuan për të përmbushur objektivat e projektit i cili është në vitin e tij të dytë.

Personeli akademik i Fakultetit të Shkencave Humane ka dhënë kontribut të rëndësishëm në kërkimin shkencor si pjesë e këtij COST Action.

Zhvillohet në Universitetin e Elbasanit takimi mbi projektin COST “CLIL Network for Languages in Education : Towards bi- and multilingual disciplinary literacies”

Universiteti i Elbasanit “Aleksandër Xhuvani”, nënshkruan Marrëveshje Bashkëpunimi me Fondacionin “Hasan Prishtina”. Në takimin e zhvilluar Rektori i Universitetit të Elbasani Prof. Dr. Skender Topi dhe përfaqësuesi i Fondacionit “Hasan Prishtina, Z. Mehmet Prishtina, shprehën angazhimin e plotë institucional për krijimin e bashkëpunimeve me qëllim promovimin e arsimit të lartë, kërkimit shkencor, rritjen e kapaciteteve të personelit akademik dhe studentëve, si edhe mbështetjen në realizimin e veprimtarive të ndryshme.

Universiteti i Elbasanit “Aleksandër Xhuvani”, nënshkruan Marrëveshje Bashkëpunimi me Fondacionin “Hasan Prishtina”