Agjencia e Sigurimit të Cilësisë në Arsimin e Lartë (ASCAL), në bashkëpunim me Universitetin e Elbasanit, “Aleksandër Xhuvani”, zhvilloi takimin trajnues me grupet e punës të akreditimit të programeve të studimit.

Agjencia e Sigurimit të Cilësisë në Arsimin e Lartë (ASCAL) zhvillon takim trajnues në Universitetin e Elbasanit “Aleksandër Xhuvani”

Universiteti i Elbasanit "Aleksandër Xhuvani", bëhet pjesë e Forumit të Liderave të Oxfordit. Në një ceremoni të organizuar në kuadër të Samitit të Liderave, Universiteti i Elbasanit,  prezantoi strategjinë e zhvillimit dhe ndërkombëtarizimit. Ky event shënon një hap shumë të rëndësishëm në zhvillimin e politikave ndërkombëtare institucionale me në qendër studentët dhe kërkimin shkencor.

Universiteti i Elbasanit "Aleksandër Xhuvani", bëhet pjesë e Forumit të Liderave të Oxfordit, Oxford, Britani e Madhe

Të dashur studentë të Universitetit të Elbasanit "Aleksandër Xhuvani",

Ju uroj një rrugëtim të suksesshëm për këtë vit të ri akademik!

Ju do të keni mundësinë të studioni në një nga institucionet më të rëndësishme të arsimit të lartë në vend. Për këtë keni në dispozicion një infrastrukturë e kompletuar me ambiente model të mësimdhënies dhe mësimnxënies.

Universiteti i Elbasanit “Aleksandër Xhuvani” në bashkëpunim me Drejtorinë Rajonale të Punësimit, Elbasan, për të tretin vit rradhazi, ka mirëpritur të rinjtë përfitues të programit të nxitjes së punësimit. Programi Kombëtar i Praktikave të Punës, përmes praktikave profesionale, u jep mundësinë të gjithë të rinjve nga 21 deri në 26 vjeç të cilët kanë përfunduar minimalisht ciklin e parë të studimeve “Bachelor”, të zhvillojnë praktika pune. Qëllimi i këtij program është të garantojë një tranzicion të shpejtë të të rinjve në tregun e punës, fitimin e një përvoje kualifikuese, zhvillimin e mëtejshëm të aftësive profesionale, akademike dhe personale.

Praktikat profesionale në Universitetin e Elbasanit "Aleksandër Xhuvani"

Në kuadër të bashkëpunimeve në fushën e kërkimit shkencor, Universiteti i Elbasanit “Aleksandër Xhuvani”, mirëpriti përfaqësues të kompanisë botuese akademike “Elsevier”, Znj.Helena Paczuska dhe Znj.Katarzyna Patyrak, për të diskutuar me personelin akademik rreth kërkimit shkencor dhe publikimeve shkencore.

Universiteti i Elbasanit organizon takim me kompaninë botuese akademike “Elsevier”

Studentë të Universitetit të Elbasanit "Aleksandër Xhuvani", moren pjesë për 2 javë rresht në shkollën verore organizuar nga Universiteti i Katolik i Lublinit, Poloni në kuadër të workshopit "Teknikat laboratorike të përdorura në monitorimin e biomjekësisë dhe burimeve natyrore". Ky workshop është ndjekur nga 20 studentë të huaj që studiojnë jashtë territorit të Republikës së Polonisë në disiplinat: shkenca natyrore ose shkenca shëndetësore.

Pas përfundimit të workshopit, pjesëmarrësit u pajisen me certifikatë të pjesëmarrjes me 4 pikë ECTS.

Studentë të Universitetit të Elbasanit “Aleksandër Xhuvani”, marrin pjesë në workshop, organizuar nga Universiteti i Katolik i Lublinit, Poloni