Shpallje konkursi për pedagog me kohë të pjesshme në Departamentin e Letërsi Gazetarisë në vitin akademik 2017-2018

Fakulteti i Shkencave Humane i Universitetit të Elbasanit “A. Xhuvani” për nevojat e tij në Departamentin Letërsi Gazetari për vitin akademik 2017 - 2018 shpall konkurs për personel akademik me kohë të pjesshme.

Kriteret për konkurrim janë:

• Kandidati duhet të ketë përfunduar studimet universitare brenda ose jashtë vendit në shkenca shoqërore. Diplomat e fituara jashtë vendit të jenë të njohura nga MAS.
• Të jetë diplomuar në degën e Gjuhë - Letërsi/Gazetari me notë mesatare mbi 8.5.
• Të këtë përfunduar studimet Master i Shkencave (ekuivalente me të) në profilin Letërsi/Gazetari me notë mesatare mbi 8.5.
• Te këtë përvojë mësimdhënie dhe të jetë aktualisht i angazhuar në këtë sektor.
• Të jetë i angazhuar në kualifikimin pasuniversitar (grada, titulli është përparësi).
• Kandidati duhet të zotërojë të paktën një gjuhë të huaj perëndimore (preferohet anglishtja) e mbrojtur dhe e vërtetuar me dëshmi.

Kandidatët duhet të dorëzojnë pranë Drejtorisë së Burimeve Njerëzore të Rektoratit të Universitetit “Aleksandër Xhuvani” Elbasan deri brenda datës 27.09.2017 këto dokumente:

• Kërkesë me shkrim (Plotësimi i formularit te aplikimit).
• C. V të përgjithshme të përqendruar/kopje e noterizuar dokumenti identifikimi.
• Kopje të diplomës dhe të listës së notave (noterizuar).
• Provime, mikroteza etj.
• Botimet (monografi, artikuj, tekste mësimore, projekte).
• Kualifikime brenda dhe jashtë vendit.
• Dëshmia e gjuhëve të huaja që zotëron.
• Dëshmi penaliteti/vetëdeklarim i gjendjes gjyqësore.
• Raport mjeko-ligjor.
• Vërtetim lejimi për dhënie mësim në UE nga punëdhënësi/rekomandime.

Përveç konkurrimit me dosje aplikantët do t’i nënshtrohen një interviste në departament.

Shënim:

Formularët për plotësim gjenden në adresën

www.uniel.edu.al/fakulteti i shkencave humane/njoftime