Ambasadori Britanik vizitë në Universitetin e Elbasanit

Ambasadori i Mbretësrisë së Bashkuar në Tiranë Nicholas Cannon ka zhvilluar një leksion të hapur në Universitetin “Aleksandër Xhuvani” të Elbasanit me temë, “ Marrëdhëniet Kulturore: Perspektiva Britanike dhe roli I Këshillit Britanik. Fillimisht në vizitën e tij në Universitet, ambasadori u prit në një takim nga Rektori Prof.Dr. Liman Varoshi, takim në të cilin janë vlerësuar marrëdhëniet mes dy institucioneve, marrëdhënie të përfrocuara edhe nëpërmjet firmosjes së marrëveshjes me Këshillin Britanik.

Më pas ambasadori Cannon, I ka drejtuar një mesazh përshëndetës Senatit Akademik të Universitetit “Aleksandër Xhuvani”, gjatë të cilit ai ka përshëndetur rolin e këtij Universiteti, në hapësirën e arsimit të lartë në Shqipëri, duke shprehur bindjes se ky rol do të forcohet edhe në të ardhmen. Ai gjithashtu ka theksuar se prezenca e Mbretërisë së Bashkuar edhe nëpërmjet Këshillit Britanik do të jetë edhe më e madhe me këtë Universitet.

Ambasadori Nicholas Cannon ka zhvilluar në ndalesën e tij të fundit në Universitetin e Elbasanit edhe leksionin e hapur me student dhe pedagogë të këtij universiteti, ku ai ka prezantuar bashkëpunimet kulturore dhe arsimore që ofron ambasada e Mretërisë së Bashkuar në Tiranë, si dhe shteti Britanik dhe ka ftuar të gjithë studentët dhe pedagogët që të bëhen pjesë e këtyre mundësive.