Konferenca e Rektorëve

Më datë 20 Prill 2023, u zhvillua takimi i radhës i Konferencës së Rektorëve të Institucioneve të Arsimit të Lartë në Shqipëri.

Gjatë këtij takimi u diskutuan disa nga çështjet më të rëndësishme me interes të përbashkët për Institucionet e Arsimit të Lartë në vend si :

Komunikimi i vazhdueshme me Ministrinë e Arsimit dhe Sportit, për ndërmarrjen e disa nismave ligjore prej saj, si zhvillimin e programeve të studimit në distancë, përcaktimi i nivelit të kompetencës së njourive në gjuhën e huaj, për kandidatët që do të zhvillojnë studimet e ciklit të tretë Doktoratë dhe atyre specializim;

Koordinimi i politikave të përbashkëta dhe dakordësia për arritjen e një marrëveshjeje ndërmjet Republikës së Qipros, Greqisë dhe Shqipërisë në kuadër të zhvillimeve evropiane të Arsimit të Lartë me interes për palët pjesëmarrëse, e më gjerë;

Miratimi në parim i projektstrategjisë për një universitet miqësor ndaj mjedisit.

Anëtarët e Konferencës së Rektorëve rikonfirmuan me miratim unanim, kryesinë e kësaj Konference, duke rizgjedhur kryetarin aktual, Prof. Dr. Artan Hoxha dhe 2 (dy) nënkryetarët, Prof. Dr. Skender Topi dhe Prof. Dr. Tonin Gjuraj.

Në përfundim të takimit, Kryetari i Konferencës së Rektorëve u kërkoi anëtarëve të konferencës, njoftimin e të gjithë studentëve e IAL-ve publike dhe jo publike për pjesëmarrje në Konferencën Ndërkombëtare Studentore, në datat 18-19 Maj 2023.

Konferenca e Rektorëve