Njoftime
Kërkesë për një ekspert “Specialist i Auditimit të Brendshëm”, i liçensuar sipas standartit EN ISO 17025:2017”, me kohë pune të reduktuar
Laboratori Eksperimental në ish- Kombinatin Metalurgjik, i Fakultetit të Shkencave të Natyrës, në kuadër të përmbushjes së detyrimit të realizimit të vlerësimit të sistemit të brendshëm, kërkon një ekspert “Specialist i Auditimit të Brendshëm”, i liçensuar sipas standartit EN ISO 17025:2017”, me kohë pune të reduktuar vetëm për 1(një) muaj.
Prania e audituesit ështe e domosdoshme për shkak të realizimit të detyrimit të vlerësimit të sistemit të brendshëm një herë në vit, brenda 6-muajve pas vizitës vlerësuese të Drejtorisë së Përgjithshme të Akreditimit në përmbushje të standardit EN ISO 17025:2017. Audituesi do të auditojë: dokumentacionin e menaxhimit të laboratorit; mirëadministrimin e dosjeve që laboratori ka në përdorim; regjistrat e rishikimit të menaxhimit dhe kërkesave të klientëve; raportet e provave dhe përpunimit të të dhënave të marra nga testimet; dosjet e personelit dhe realizimin e planit të trajnimi të tyre; çertifikatat e kalibrimit të pajisjeve testuese; zbatimin e procedurave teknike në provat fiziko mekanike dhe kimike.
Audituesi duhet: të jetë i pavarur nga organizimi i Vlerësimit të Konformitetit (Laboratori i akredituar); të jetë i liçensuar për këto auditime, të ketë çertifikatë trajnimi sipas standartit EN ISO 17025:2017; të njohë natyrën e testimeve në laborator.