U mbyll në Universitetin e Elbasanit projekti Justice for all- Albania

U mbyll në Universitetin e Elbasanit projekti Justice for all- Albania “Të zhvillosh mendësinë investigative në epokën dixhitale”. Ky projekt ishte një bashkëpunim mes USAID dhe Universitetit të Elbasanit, “AleksandërXhuvani”.

Në këtë trajnim morën pjesë studentët e programit të studimit “Bachelor” në Gazetari, të cilët gjatë tri seancave të trajnimit në Dhjetor, Janar dhe Mars, u trajnuan nga Michael Alexander, Këshilltar Ndërkombëtar për Median.

Michael Alexander ka punuar për BBC-në, APTN dhe Agjencinë Kombëtare multimediale në Britaninë e Madhe me mbi 35 vjet eksperiencë në televizion, radio, shtypin e shkruar dhe gazetarinë digjitale. Ai ka qenë redaktor i edicioneve të lajmeve dhe disa programeve, producent dhe reporter në Mbretërinë e Bashkuar dhe jashtë saj. Me një eksperiencë të gjatë në gazetarinë investigative, ai ka trajnuar gazetarë në Afganistan, Pakistan, Malajzi, Sudanin Jugor, Kenia etj.

Gjatë trajnimit studentët diskutuan dhe prezantuan tematikat në lidhje me gazetarinë investigative, teknikat e hulumtimit, raportimet në multimedial, rëndësinë e gazetarisë në epokën dixhitale, raportimi me anë të pajisjeve inteligjente etj.