Dhoma e Tregtisë dhe Industrisë Tiranë, në bashkëpunim me Ministrinë e Arsimit, Sportit dhe Rinisë realizuan edicionin e 12-të të panairit“Work and Study”. Risia ishte pasi këtë vit panairi do të shëtiste në pesë qytetet kryesore të vendit, duke filluar me Vlorën, Shkodrën, Korçën, Elbasanin dhe për ta përmbyllur në Tiranë, për të prekur në mënyrë direkte dhe konkrete interesin e të gjithë maturantëve dhe studentëve, që do donin të regjistroheshin në vitin e ri akademik.

Ditën e premte, datë 28.5.2021 “Panairi i Punës dhe Karrierës 2021” u zhvillua në qendër të qytetit të Elbasanit, tek lulishtja ‘Aqif Pasha” dhe u shtri nga ora 8:30 e mëngjesit e deri në orën 19:00 pasdite. ZVA Elbasan ishte angazhuar paraprakisht duke njoftuar të gjithë maturantët e qytetit të Elbasanit, por edhe të fshatrave përreth.

Më shumë

Në Universitetin e Elbasanit “Aleksandër Xhuvani”, është organizuar në datë 16.10.2020, ceremonia e fillimit të Programit të Trajnimit për Brezin e dytë të Aplikantëve për Drejtues të Institucioneve të Arsimit Parauniversitar, një projekt që realizohet dhe në tre institucione të tjera të Arsimit të Lartë në Shqipëri, nga Shkolla e Drejtorëve dhe Fondi Shqiptaro-Amerikan i Zhvillimit.

Më shumë

Në fjalën e tij përshëndetëse, Rektori, Prof.dr. Skender Topi, theksoi se në Universitetin e Elbasanit, figura e mësuesit lartësohet çdo ditë e më shumë. E kjo nuk është vetëm për shkak të traditës, por është rrjedhojë e dashurisë dhe konsideratës shumë të lartë, të elbasanasve për arsimin. Ky qytet ka mirëpritur çeljen e shkollës Normale. Më pas ka zhvilluar rëndësinë e përgatitjes së mësuesve nga Instituti i Lartë Pedagogjik e deri në zhvillimin e tij si Universitet.

Ministrja e Arsimit, Sportit dhe Rinisë, znj. Evis Kushi, nënvizoi se figura si Vasil Kamami janë yje që nuk shuhen asnjëherë dhe shërbejnë si modele frymëzimi për mësuesit dhe drejtuesit e shkollave tona, për përgatitjen, përkushtimin, përgjegjshmërinë dhe përkujdesjen si një prind i dytë për nxënësit e tyre.

Më shumë

Falë projektit për ngritjen e kapaciteteve financuar nga Bashkimi Evropian, VALEU-x “ Virtual Albanian European Universities Exchange”, u inagurua sot laboratori VALEU-x, një laborator dedikuar plotësisht shkëmbimit studentor virtual.

Projekti i ofron institucioneve të arsimit të lartë në Shqipëri një mundësi për të eksploruar, zbatuar dhe shpërndarë praktikat e ndërkombëtarizimit nga shtëpia, për të rritur pjesëmarrjen në mobilitete të studentëve dhe stafit në një kontekst akademik, ekonomik dhe shoqëror evropian dhe ndërkombëtar.

Më shumë

Rektorët dhe përfaqësuesit në takimin e zhvilluar, theksuan se kjo marrëveshje lidhet për të lehtësuar marrëdhëniet ndërinstitucionale për bashkëpunimin dhe bashkërendimin e aktiviteteve të palëve. 

Ndër të tjera, marrëveshja do të shërbejë për komunikimin dhe shkëmbimin e personelit akademik, studentëve, informacioneve, ideve dhe eksperiencave që lidhen me fushat me interes të përbashkët.  

Më shumë

Aktiviteti i Erasmus+ është aktiviteti i parë i organizuar në kuadër të kremtimit të ditëve të Erasmus+ në Universitetin e Elbasanit.

Aktiviteti bëri bashkë studentë e personel akademik, për të cilët u prezantuan projektet e reja në të cilat UE bën pjesë dhe gjithashtu u përditësuan zhvillimet e projekteve aktuale.

Më shumë