Universiteti i Elbasanit në bashkëpunim me Kryqin e Kuq Shqiptar Dega Elbasan dhe Bankën Kombëtare të Transfuzionit të Gjakut, organizuan një sesion dhurimi vullnetar të gjakut në ambjentet e universitetit.

Kësaj iniciative humanitare i’u bashkuan studentë të shumtë, kontributi i të cilëve do t'iu vijë në ndihmë fëmijëve Talasemikë.

Sesion dhurimi vullnetar të gjakut, organizuar në Universitetin e Elbasanit “Aleksandër Xhuvani”

Në kuadër të projektit "Ne jemi kampionë", Fakulteti i Shkencave Mjekësore Teknike  në bashkëpunim me Zyrën e Këshillimit të Karrierës dhe Alumnit, si dhe Organizatën Special Olympics Albania, zhvilluan workshopin me temë "Sporti gjithëpërfshirës".

Qëllimi i këtij workshopi, ishte rritja e pjesëmarrjes së të rinjve vullnetarë në këtë projekt, angazhimi i të cilëve do t’u vlente studentëve edhe si praktikë pune pranë UST, por njëkohësisht edhe si eksperiencë mbi sportin e unifikuar.

Në përfundim të trajnimit, kjo eksperiencë u finalizua me dhënien e një certificate të njohur ndërkombëtarisht.

Workshop me temë “Sporti gjithëpërfshirës”, organizuar në Universitetin e Elbasanit

Universiteti i Elbasanit “Aleksandër Xhuvani” në bashkëpunim me Institutin për Demokraci dhe Ndërmjetësim, zhvilloi sesionin informues me studentë të programit të studimit të drejtësisë, ekonomisë dhe gazetarisë, mbi parandalimin e pastrimit të parave

Kjo nisëm ka si qëllim rritjen e ndërgjegjësimit të të rinjve mbi fenomenin e pastrimit të parave, pasojat ekonomike, sociale zhvillimore që sjell dhe mënyrat e parandalimit të tij.

Sesion informues mbi parandalimin e pastrimit të parave, në bashkëpunim me Institutin për Demokraci dhe Ndërmjetësim

Në Fakultetin e Shkencave Mjekësore Teknike u zhvillua takimi ndërgjegjësues në kuadër të 16 ditëve të Aktivizimit kundër Dhunës me Bazë Gjinore, me përfaqësues nga ESD Albania & Europe dhe UN Women në Shqiperi.

Në fjalën e saj përshëndetëse zëvëndësrektorja Prof. as. dr. Elvira Fetahu, vuri theksin në përpjekjet dhe përkushtimin në nivel shoqëror dhe institucional që nevojitet për t'u siguruar që arsimimi që u ofrohet vajzave dhe grave, t'i pajisë ato për të zhvilluar potencialin e tyre dhe për të kontribuar në përparimin e vendit.

Takim ndërgjegjësues në Kuadër të 16 Ditëve të Aktivizimit Kundër Dhunës me Bazë Gjinore në Fakultetin e Shkencave Mjekësore Teknike

Në kuadër të bashkëpunimit të Departamentit të Letërsisë e Gazetarisë me Institutin Shqiptar të Medias, si pjesë e projektit “Rritja e nivelit të literacisë së medias tek studentët dhe publiku i gjerë përmes produkteve videografike interaktive”, u prezantua për studentët dokumentari televiziv “Të vërtetat e mediave”.

Ky dokumentar jep një informacion të dorës së parë nga producentë dhe ekspertë të komunikimit, mbi tema që lidhen drejtpërsëdrejti me edukimin mediatik dhe qytetar të të rinjve. Përmes dokumentarit është hedhur dritë mbi rolin e gazetarit në ditët e sotme, gazetarinë e përgjegjshme, zgjedhjen dhe seleksionimin e burimeve, çështjet e besueshmërisë dhe etikës së pasqyrimit të lajmit.

Më shumë

Në kuadër të 16 ditëve të sensibilizimit kundër dhunës me bazë gjinore e ftuar nderi në Fakultetin e Shkencave të Edukimit, autorja e mirënjohur Helena Kadare, ka përcjellë mesazhe sensibilizimi dhe solidariteti.

"Ne sot duhet të thyejmë steriotipet e krijuara në shoqëri për gruan. Të trajtojmë këtë plagë të hershme dhe ekzistuese në shoqërinë njerëzore. Një botë që respekton gjininë femërore është më pranë perfeksionizmit."

Autorja e mirënjohur Helena Kadare, e ftuar nderi në Fakultetin e Shkencave të Edukimit në Universitetin e Elbasanit “Aleksandër Xhuvani”