Hapet thirrja për aplikim për mobilitetin e studentëve në Andrei Şaguna University, Rumani.

Ju njoftojmë se është hapur thirrja për aplikim për bursa studimi për studentë, në kuadër të projektit International Credit Mobility (Erasmus+) të fituar nga Universiteti ynë në bashkëpunim me Andrei Şaguna University, Rumani. Ftohen të aplikojnë të gjithë studentët e interesuar të Fakultetit Ekonomik dhe Fakultetit të Shkencave të Edukimit, Dega Psikologji. Detaje të mobilitetit:

Periudha e mobilitetit do të zhvillohet gjatë semestrit të dytë, të vitit akademik 2017-2018 me një kohëzgjatje prej 4 muajsh. Studentët fitues do të përfitojnë një bursë mujore si dhe rimbursim të shpenzimeve të udhëtimit, sipas përcaktimeve në marrëveshje e mobilitetit.

Për më shumë informacion ju lutem drejtohuni pranë Drejtorisë së Marrdhënieve me Jashtë, në Rektoratin e Universitetit të Elbasanit “Aleksandër Xhuvani

Dokumentat e nevojshme për aplikim:

• CV në anglisht
• Letër motivimi

Dokumentacioni i sipër kërkuar, duhet të dorëzohet personalisht, pranë zyrës së Marrëdhënieve me Jashtë, në Rektoratin e Universitetit të Elbasanit “Aleksandër Xhuvani”.

Afati i fundit për aplikim është data 26 JANAR 2018 !

Ju urojmë suksese!