Nisin regjistrimet për master ne UE

UNIVERSITETI “ALEKSANDËR XHUVANI” REKTORATI

“ Për fillimin e regjistrimeve në Ciklin e Dytë të studimeve me kohë të plotë “Master shkencor” dhe “Master Profesional” për vitin akademik 2011-1012 në UE”

Në mbështetje të Ligjit Nr. 9741, date 21.05.2007 “Për arsimin e lartë në Republikën e Shqipërisë”, me ndryshimet, Udhëzimin e Ministrit të MASH nr. 39 datë 06.10.2011 njoftojmë :

1.Të gjithë të interesuarit që kërkojnë të studiojnë në Universitetin “Aleksandër Xhuvani” Elbasan në programet e studimit për “Master i shkencave” dhe “Master Profesional”, se aplikimet fillojnë nga data 10.10.2011 deri me datë 15.10.2011 nga ora 8.00 deri në orën 1800 pranë sekretarive të fakulteteve. Çdo aplikant duhet të paraqesë personalisht dokumentet:

a)Fotokopje të noterizuar të diplomës së ciklit të parë të studimeve të shoqëruar me listën origjinale të notave.

b)Dokument identifikimi (kartë identiteti ose pasaportë) dhe fotokopje e tyre.

c)Fotografi 2 copë

d)Mandat arkëtimi e tarifës së regjistrimit prej 2500 lekë (formulari për arkëtim tërhiqet pranë Rektoratit të UE, Financa)

e)Deklaratë që vërteton se kandidati nuk ndjek program tjetër “Master i shkencave” dhe “Master profesional” në IAL publik.