CEREMONIA E DHËNIES SË MEDALJEVE TË ARIT, PËR STUDENTËT E SHKËLQYER TË 10 VITEVE TË FUNDIT NË UE.

Në kuadër të vitit jubilar të 110 vjetorit të shkollës Normale, Universiteti i Elbasanit “Aleksandër Xhuvani”, ka organizuar ceremoninë e dhënies së medaljeve të arit, për studentët e shkëlqyer të viteve të fundit në UE.

Në këtë ceremoni, Rektori i Universitetit, Prof.dr. Skender Topi, falenderoi të gjithë studentët, për punën e tyre të shkëlqyer si dhe theksoi se Universiteti i Elbasanit edhe një herë ka treguar rëndësinë e tij, në kultivimin dhe promovimin e cilësisë së studentëve.