Përfundon me sukses faza e parë e trajnimit E-citizens, Albania in Europe, në Universitetin e Elbasanit “Aleksandër Xhuvani”

Rrjeti i Studentëve Shqiptarë në Botë – AS@N në bashkëpunim me Shoqatën e Konsujve të Nderit në Shqipëri, me mbështetjen e Bashkimit Evropian po realizon nismën "E-Citizens, Albania in Europe!" për të informuar dhe për të rritur pjesëmarrjen dhe aktivizimin e të rinjve shqiptarë dhe institucioneve akademike mbi rëndësinë e procesit të integrimit në Bashkimin Evropian. Studentët e Universitetit të Elbasanit “Aleksandër Xhuvani” patën mundësi të merrnin pjesë në tri edicionet e trajnimit, ku edicioni i fundit përmbyllës u realizua nën titullin "Qytetaria dhe Vlerat Europiane. Programet për të rinjtë".

Ekspertja e Studimeve Europiane, znj. Raquel Hernandez Pena, gjatë fjalës së saj falenderoi Universitetin e Elbasanit dhe studentët pjesëmarrës, për angazhimin dhe përkushtimin e treguar.

Në fund të aktivitetit, studentët u pajisën me certifikata përkatëse dhe u njohën me agjendën e aktiviteteve në vijim të nismës "E-Citizens, Albania in Europe!".