Finalizohet Workshop- i “E-Citizens, Albania in Europe”

Universiteti i Elbasanit “Aleksandër Xhuvani”, Rrjeti i Studentëve Shqiptare (AS@N) në bashkëpunim me Shoqatën e Konsujve të Nderit në Shqipëri, me mbështetjen e Bashkimit Europian në kuadër Instrumentit për Asistencën e Para-Anëtarësimit (IPA II) organizuan Workshop- in “E-Citizens, Albania in Europe”.

Në këtë aktivitet morën pjesë mbi 100 studentë të programeve të ndryshme të studimit në UE, të cilët patën mundësi të njihen me historinë e Bashkimit Evropian, traktatet që e krijuan atë, zgjerimin dhe zhvillimin e këtij bashkimi ndër vite.

Drejtoresha Ekzekutive e rrjetit AS@N, znj. Edlira Çepani, shprehu falenderimet e përzemërta për bashkëpunimin me Universitetin e Elbasanit dhe gjithashtu falenderoi studentët për interesin e lartë të treguar. Ndër të tjera ajo theksoi rëndësinë që të rinjtë kanë në të gjitha politikat e Bashkimit Evropian si dhe ne proceset integruese të vendit tonë në BE.

Në cilësinë e ekspertit për aktivitetin ishte znj. Gentiola Madhi, studiuese e Integrimit Europian, Osservatorio dei Balcani e Caucaso-Transeuropa.

Në fund të aktivitetit studentët u pajisën me certifikata.