UE dhe ASCAL, takim trajnues me studentët

Agjencia e Sigurimit të Cilësisë në Arsimin e Lartë (ASCAL), në bashkëpunim me Universitetin e Elbasanit, “Aleksandër Xhuvani”, zhvilluan takimet trajnuese me grupet e punës dhe studentët në kuadër të Sondazhit Kombëtar të Studentëve (SKS) në Institucionet e Arsimit të Lartë (IAL) në Shqipëri.

Fillimisht u zhvillua një takim me zv. rektorin prof.as.dr. Peçi Naqellari i cili u shpreh se ky sondazh do të shërbejë për evidentimin e gjendjes reale në universitet dhe rritjes së cilësisë së shërbimit akademik në të gjitha fakultetet.

Të dhënat e përftuara nga SKS do të përdoren për formësimin e politikave publike të arsimit të lartë, identifikimin e pikave të dobëta dhe ndërhyrjeve potenciale që duhen bërë për t’i adresuar ato dhe për informimin e studentëve të ardhshëm mbi perceptimin që kanë studentët aktualë mbi institucionin dhe programin e studimit ku ata synojnë të regjistrohen.