Organizohet në Universitetin e Elbasanit “Aleksandër Xhuvani” Forumi i Ballkanit Perëndimor mbi institucionalizimin e gjuhës rome

Universiteti i Elbasanit "Aleksandër Xhuvani", në bashkëpunim me Institutin e Kulturës Rome në Shqipëri dhe ERIAC, organizuan Forumin e Ballkanit Perëndimor mbi institucionalizimin e Gjuhës Rome.

Ky forum kishte në fokus unifikimin e rekomandimeve shkencore, me qëllim dokumentimin e gjuhës rome, e cila është faza e parë e krijimit të teksteve të shkruara, e studimit të romishtes dhe e hartimit të teksteve të përshtatshme shkollore, si edhe ruajtjen e trashëgimisë së përbashkët kulturore.

Rektorja e Universitetit të Elbasanit, Prof.dr. Elvira Fetahu, në fjalën e saj përshëndetëse, theksoi rëndësinë e diversitetit gjuhësor dhe kulturor, si një pasuri e përbashkët që duhet mbrojtur dhe promovuar. Institucionalizimi i një gjuhe garanton mbijetesën dhe zhvillimin e saj, duke i dhënë komunitetit një mjet të fuqishëm për të mbrojtur të drejtën për t’u dëgjuar dhe për të kontribuar plotësisht në shoqëri.

Organizohet në Universitetin e Elbasanit “Aleksandër Xhuvani” Forumi i Ballkanit Perëndimor mbi institucionalizimin e gjuhës rome