Promovim libri në Universitetin e Elbasanit “Aleksandër Xhuvani”

Në kuadrin e veprimtarive të Fakultetit të Shkencave Humane dhe me mbështetjen e Rektoratit të UE-së, Departamenti i Letërsisë dhe Gazetarisë në bashkëpunim me Departamentin e Gjuhësisë, organizuan sot në mjediset e Bibliotekës së UE-së, promovimin e librit “William Shakespeare” të Victor Hugo, përkthyer nga Abdulla Rami dhe Ermira Xhomaqi - Godo.

Të pranishëm ishin pedagogë dhe studentë të të dyja departamenteve, nxënës të gjimnazit “Dhaskal Todri”, të cilët shprehën mendimet dhe vlerësimet e tyre për këtë vepër, si edhe diskutuan rreth vlerave dhe risive të saj në letrat shqipe.

Përkthyesja e librit, zj. Ermira Xhomaqi - Godo, pasqyroi rrugëtimin e gjatë dhe punën përkushtuese prej disa dekadash, për ta sjellë në shqip këtë vepër “sui generis” dhe me vlera shumëdimensionale për lexuesin shqiptar.

Promovim libri në Universitetin e Elbasanit “Aleksandër Xhuvani”