Departamenti i Informatikës në Fakultetin e Shkencave të Natyrës në Universitetin e Elbasanit “A. Xhuvani”, për nevojat e tij për semestrin e dytë të vitit akademik 2019 - 2020, shpall konkurs për 5(pesë) personel akademik me kohë të pjesshme.

Kriteret e përgjithshme e të veçanta për konkurrim janë

• Të ketë përfunduar studimet universitare brenda ose jashtë vendit në shkenca informatike/inxhinieri kompjuterash/teknologjitë e informacionit dhe komunikimit apo të përafërta me to. Diplomat e fituara jashtë vendit duhet të jenë të njohura nga MASR.
• Të këtë përfunduar studimet Ba dhe Master i Shkencave apo (ekuivalente me të) në profilin shkenca informatike/inxhinieri kompjuterash/teknologjitë e informacionit dhe komunikimit apo të përafërta me to me notë mesatare mbi 8.5.
• Të këtë përvojë akademike mësimdhënie dhe të kërkimit shkencor.
• Të ketë kryer kurse ose kualifikime brenda dhe jashtë vendit në fushën përkatëse
• Kandidati duhet të zotërojë të paktën një gjuhë të huaj perëndimore (preferohet anglishtja) e mbrojtur dhe e vërtetuar me dëshmi
• Preferohet të ketë bërë publikime në fushën e specialitetit përkatës.
• Të jetë i angazhuar në kualifikimin pasuniversitar (grada, titulli është përparësi).

Kandidatët duhet të dorëzojnë këto dokumente:

• Kërkesë me shkrim (Plotësimi i formularit te aplikimit).
• C. V të përgjithshme të përqendruar/kopje e noterizuar dokumenti identifikimi.
• Kopje të diplomës dhe të listës së notave (noterizuar).
• Provime, mikroteza etj.
• Botimet (monografi, artikuj, tekste mësimore, projekte).
• Kualifikime brenda dhe jashtë vendit.
• Dëshmia e gjuhëve të huaja që zotëron (noterizuar).
• Dëshmi penaliteti/vetëdeklarim i gjendjes gjyqësore.
• Raport mjeko-ligjor.
• Vërtetim lejimi për dhënie mësim në UE nga punëdhënësi/rekomandime.

Përveç konkurrimit me dosje aplikantët do t’i nënshtrohen një interviste në departament.

Dokumentacioni i kërkuar mund të dorëzohet në rrugë postare apo në zarf të mbyllur nga data 20.02.2020 deri 02.03.2020.

Universiteti i Elbasanit “Aleksandër Xhuvani”,

Rruga “Ismail Zyma”,

Aplikim për pozicionin e punës:____________

Elbasan

Shënim:Formularët për plotësim gjenden në adresën

www.uniel.edu.al/fakulteti i shkencave te natyres/njoftime