Hapet thirrja për aplikim për mobilitetin e Stafit Akademik dhe Administrativ (training) në Universitetin e Timisoara, Rumani

Universiteti i Elbasanit “Aleksandër Xhuvani”, ka kënaqësinë, që në kuadër të International Credit Mobility (Erasmus+) të fituar nga Universiteti ynë në bashkëpunim me Universitetin e Timisoara, ne Rumani të ftojë 1 staf akademik nga Fakulteti Ekonomik dhe 1 staf administrativ, që të aplikojnë për trajnim.

Detaje të mobilitetit:

Periudha e mobilitetit do të zhvillohet gjatë vitit akademik 2017-2018 me një kohëzgjatje prej 5 ditësh. Stafi akademik dhe ai administrativ fitues do të përfitojnë një dietë ditore si dhe rimbursim të shpenzimeve të udhëtimit, sipas përcaktimeve në marrëveshjen e mobilitetit.

Për më shumë informacion ju lutem drejtohuni pranë Drejtorisë së Marrëdhënieve me Jashtë, në Rektoratin e Universitetit të Elbasanit “Aleksandër Xhuvani”.

Dokumentat e nevojshme për aplikim:

• CV (në gjuhën angleze);
• Kopje e Pasaportës;
• Letër motivimi (në gjuhën angleze);
• Vërtetim Punësimi (në gjuhën shqipe);
• Vërtetim nga Dekani i Fakultetit/ Punëdhënësi, që lejon shkëputjen gjatë vitit akademik, për realizimin e mobilitetit.

Dokumentacioni i sipër kërkuar, duhet të dorëzohet personalisht, pranë zyrës së Protokoll- Arkivës, në Rektoratin e Universitetit të Elbasanit “Aleksandër Xhuvani”.

Afati i fundit për aplikim është data 28 Tetor 2017!

Ju urojmë suksese!