Vazhdojnë projektet e përbashkëta me Universitetet Italiane

Rektori i Universitetit të Elbasanit Prof.Dr. Skender Topi, i shoqëruar nga Dekania e Fakultetit Ekonomik Prof.Asc.Dr.Imelda Sejdini, Dekania e Fakultetit të Shkencave të Edukimit Prof.Asc.Dr. Valentina Haxhiymeri, Dekani i Fakultetit të Shkencave Mjekësore Teknike Prof.Asc. Dr. Shkëlqim Hidri si dhe shefja e Departamentit të Shkencave Sociale Prof.Asc. Dr. Elisabeta Osmanaj, kanë zhvilluar disa vizita zyrtare në disa universitete Shtetërore në Itali. Ndalesa e parë ka qenë në Universitetin e Barit, ku Rektori dhe delegacioni që e shoqëronte janë ndalur fillimisht në Fakultetin e Shkencave Politike. Gjatë takimit të zhvilluar me drejtues të këtij fakulteti është rënë dakord, për krijimin e një masteri të përbashkët shkencor për punonjësit social. Një pikë tjetër e disktuar në këtë takim ka qenë edhe ajo për njohjen e diplomës 3 vjeçare, të lëshuar nga Universiteti i Elbasanit, me qëllim që studentët e këtij universiteti të kënë mundësi të ndjekin studimet master në Universitetin e Barit. Njëkohësisht është dikutuar edhe për mundësitë e shkëmbimit të stafeve akademike, në lëndë dhe fusha të përbashkëta. 

Dekania e Fakultetit Ekonomik Prof.Asc. Dr. Imelda Sejdini ka zhvilluar një takim me Shefin e Departamentit të Shkencave Ekonomike në Universitetin e Barit, ku është diskutuar mbi mundësitë e bashkëpunimit dhe projeketeve të përbashkëta në fushën e shkencave ekonomike.

Me Universitetin e Barit  është duke u punuar për finalizimin e një programi doktoral të përbashkët në fushën e mjekësisë.

Po në kuadër të shkëmbimit të eksperiencave është zhvilluar një takim edhe me administratorin dhe njësinë e vlerësimit të brendshëm në Rektoratin e Universitetit të Barit, takim në të cilin u propozuan ide konkrete bashkëpunimi në këtë fushë mes dy universiteteve.

Një tjetër takim që Rektori Skender Topi zhvilloi në Itali ishte edhe ai me Rektoren e Universitetit të Aquilas Prof. Paola Inverardi. Gjatë këtij takimi është diskuar në lidhje me konkretizimin e idesë për hapjen e një programi të përbashkët studimi mes dy universiteteve në fushën e Emergjencave Infiermeristike. Gjatë këtij takimi është vlerësuar edhe fakti se 3 doktorantë nga Universiteti i Elbasanit, kanë përfunduar me sukses vitin e parë të studimeve doktorale me vlerësime maksimale. Bashkëbiseduesit kanë diskutuar edhe mundësitë e bashkëpunimit në fushat e ekonomisë dhe teknologjisë së informacionit. 

Rektori Skender Topi merre pjesë në ceremoninë e inaugurimit të vitit akademik në Universitetin e Barit

Rektori i Universitetit të Elbasanit Prof.Dr. Skender Topi ishte një ndër të ftuarit e veçantë në ceremoninë e inaugurimit të vitit akademik 2016-2017, në Universitetin Aldo Moro të Barit në Itali. Dikur ish student i këtij Universiteti në Fakultetin e Mjekësisë, Rektori Skender Topi, ishte i ftuar special, së bashku me Ministrin e Ekonomisë dhe Financave në Itali, Pier Carlo Padoan, Shefin e Kabinetit të kësaj Ministrie Gaetano Manfredi, Presidentin e Konferencës së Rektorëve të Universiteteve Italiane Federico Gallo. 

Fillimisht të gjithë të pranishmit i përshëndeti Rektori i Universitetit të Barit Antonio Felice Uricchio, duke uruar mirëseardhjen në këtë ceremoni të veçantë dhe duke folur për prioritetet e Universitetit që ai drejton. 

Rektori i Universitetit “Aleksandër Xhuvani” të Elbasanit, Prof.  Dr. Skender Topi, duke folur në këtë ceremoni, falenderoi Universitetin e Barit, si një institucion mik dhe partner, jo vetëm të Universitetit të Elbasanit, por edhe mbarë shqiptarëve. Ai ka theksuar se bashkëpunimi mes dy universiteteve, tashmë është prej kohësh konkret, në bazë të marrëveshjeve të përbashkëta të nënshkruara, ku mobiliteti i stafeve akademike dhe i studentëve është një ndër pikat më kryesore të aplikuara deri më tani. 

Ministri Italian i Ekonomisë dhe Financave Pier Carlo Padoan mbajti përpara të ftuarve një ligjëratë me titull, “ Europa gjithpërfshirëse: Roli i kapitalit njerëzor”. Kjo temë është diskutuar edhe në kuadër të takimit që 7 vendet më të industrializuara të botës, kanë zhvilluar në Bari. 

Ndërkohë gjatë vizitës së tij në Itali, pranë Universitetit të Barit, Rektori Skender Topi është shoqëruar edhe nga Dekania e Fakultetit të Shkencave të Edukimit Valentina Haxhiymeri , e cila kanë zhvilluar takime dypalëshe edhe me homologët e saj në Universitetin e Barit, ku kanë diskutuar mbi mundësi të bashkëpunimit në fushën e kërkimit shkencor dhe të mësimdhënies.