Universiteti i Elbasanit është një nga dy partnerët shqiptarë në projektin më të ri të shpallur fitues nga Brukseli “REBUS – Ready for Business – Integrating and validating practical entrepreneurship skills in engineering and ICT studies” (573664-EPP-1-2016-1-BA-EPPKA2-CBHE-JP). Ky projekt është aplikuar në kuadër të programit të projekteve “KA2 – Cooperation for inovation and the exchange of good practices – Capacity Building in the field of Higher Education” të financuara nga BE-ja dhe është shpallur një nga 147 projektet fituese prej 653 projekteve gjithsej të pranuara.

Po ashtu projekti tjetër “HIGHER EDUCATION–ENTERPRISE PLATFORM FOR FOSTERING, MODERNISATION AND SUSTAINABLE GROWTH IN NATURAL STONE INDUSTRY IN WESTERN BALKANS – BALKANSTONE” me numër reference 574200-EPP-1-2016-1-AL-EPPKA2-CBHE-JP është një nga 18 projektet qe janë përzgjedhur për të qenë në listën rezervë dhe deri në fund të vitit do të njoftohemi nëse do të financohet nga BE-ja apo jo. Në rast se nuk shpallet fitues, duke marrë parasysh vërejtjet dhe propozimet e bëra nga vlerësuesit e jashtëm, do te aplikojmë përsëri kur të hapet thirrja tjetër dhe shpresojmë qe me ndryshimet e bëra të arrijmë ta fitojmë.